Deputeti i PDK-së: Z. Sveçla, a keni paraparë benificione për policët që i keni lënë invalid me dhunën që ushtruat kur ishit opozitë

Deputeti i PDK-së, Fadil Nura, ka pyetur ministrin Xhelal Sveçla – i cili nuk ishte i pranishëm në seancë – se a ka paraparë qeveria ndonjë benificion për policët

“Është seanca e dytë që zoti Sveçla nuk është i pranishëm, uroj që Qeveria t’ia dijë lokacionin. Policia e Kosovës është institucioni më kredibil në vend. Policia e Kosovës është ballafaquar me dhunë nga eksponentët e partisë që sot është në pushtet.  Jemi dëshmitarë, ekzistojnë edhe incizime që shpërfaqjen e kësaj dhune, e udhëheqte edhe ministri Sveçla dhunë nga e cila pësuan dhjetëra policë, jo pak pësuan dëmtime madje edhe me invaliditet jetësor.   Deshta të di nga z.Sveçla cila është pesha e fajësisë në ndërgjegjen e tij lidhur me këtë cështje dhe a vlerëson se MPB do të duhej të nxirrte masa benificuese ndaj kësaj kategorie që ka qenë e ekspozuar ndaj kësaj dhune”, ka thënë Nura./Periskopi/