4 orë më parë‘Brazilianët erdhën nga xhungla’: Presidenti i Argjentinës e bën lëmsh me deklaratat tmerruese
Periskopi(5 vite më parë)
(5 vite më parë)Presidenti i Argjentinës, Alberto Fernandez, ka shkaktuar një lëmsh të vërtetë në Twitter dhe një debat rajonal mbi racën pas komenteve të pamatura gjatë vizitës së tij në Spanjë. “Meksikanët kanë ardhur nga indianët, brazilianët kanë ardhur nga xhungla, por ne argjentinasit kemi ardhur nga anijet. Dhe ato ishin anije që erdhën nga Evropa,” tha […]
“Meksikanët kanë ardhur nga indianët, brazilianët kanë ardhur nga xhungla, por ne argjentinasit kemi ardhur nga anijet. Dhe ato ishin anije që erdhën nga Evropa,” tha Fernandez, duke iu referuar emigrantëve evropianë që kishin arritur në Argjentinë.
Më pas, presidenti argjentinas kërkoi falje për komentet dhe tha se ishte krenar me diversitetin e vendit të tij, raporton The Guardian, përcjell Periskopi.
Fernandez dukej të kishte marrë frazën nga një këngë e një këngëtari lokal me emrin Lito Nebbia, për të cilin ka shprehur admirim në më shumë se një rast.
Komentet shkaktuan përgjigje virale në mediat sociale, me shumë prej tyre që kritikuan liderin e qendrës së majtë për pandjeshmëri racore.
“Nuk e kam pasur qëllim të ofendojë ndokënd, për çdo rast, kushdo që e ndjen veten të ofenduar ka kërkimfaljen time,” tha ai në Twitter.
Eduardo Bolsonaro, kongresmen brazilian dhe i biri i presidentit, Jairit, i quajti komentet e presidentit argjentinas “raciste”. /Periskopi
