Analisti Salihu: 100 ditët e Qeverisë Kurti, 100 ditë të rehatimit të nipave e akrabave

Salihu në një pronocim për Periskopin nënvizoi se pritshmëritë e qytetarëve ndaj Qeverisë Kurti kanë që të mëdha, mirëpo, sipas tij, këto pritshmëri kanë zënë të zbehen.

Ai shtoi se për këto 100 ditë qeveria e udhëhequr nga kryeministri Albin Kurti ka tentuar të kapë institucionet e pavaruar dhe ndërmarrjet publike.

“100 ditëshi i Qeverisë Kurti është si një balonë e madh e shfryrë. Ka qenë balonë e madhe, e fryrë nga pritshmeritë dhe moralizimet që i kanë krijuar vetë. Por, duke qenë se ky 100 ditësh ka qenë apatik dhe i ngathet, kjo balonëa e madhe ka zënë të shfryhet. Krejt çka ka bërë kjo qeveri për 100 ditëështë punësimet familjare dhe tendenca për kapje të institucioneve të pavarura e ndërmarrjeve publike. Një 100 ditësh i rehatimit të nipave e akrabave”, ka thënë ai për Periskopin.

Salihu ka folur edhe për politikën e jashtme për këto 100 ditë të qeverisjes, duke thënë se Qeveria Kurti është dëshmuar amatoreske njejtë si Qeveria Kurti 1.

“Në aspektin e politikës së jashtme, është dëshmuar po aq amatoreske sa Qeveria Kurti 1. Ka vazhduar fërkimi me partnerët ndërkombëtare dhe raportet e ftohta me Shqipërinë. Në aspektin e brendshem ka dështuar ta menaxhojë vaksinimin, i cili ka qene sfida kryesore e kësaj qeverie. Ndonëse nuk ka pasur ndonjë megaskandal, ky 100 ditësh ka qenë i qullet, pa punë dhe pa vizion.”, theksoi ai.

Ndryshe, Qeveria Kurti ka mbushur 100 ditë që prej ka marrë në dorë timonin e shtetit. E për këto 100 ditë , në adresë të qeverisë janë drejtuar akuza e kundërshtime në raport me mënyrën e qeverisjes.

Nuk dihet nëse Kurti do të përmirësohet në ditët tjera të qeverisjes.

Periskopi prej nesër e deri pasnesër (kur mbushen zyrtarisht 100 ditë) do të publikojë një varg artikujsh përmbledhës për këtë periudhë të Kurtit në qeverisje. /Periskopi/