Aktivisti shembullor: Liburn Aliu nuk e ka një por dy shtëpi në luksozen Marigona Hill

Në “Marigona Hill” nuk ka vetëm Aliu banesë. Ai ka deklaruar se një banesë prej 89 metrash katrorë posedon edhe prindi, vlera e së cilës e kapë shifrën e 64 mijë eurove, ndërsa kanë mbet për tu paguar edhe 23 mijë euro. Të njëjtën, Librun Aliu e kishte përshkruar edhe në deklarimin e pasurisë për vitin 2020.

“Si sqarim shtesë në lidhje me detyrimin financiar ndaj “Marigona Hill” shpk. Me këtë kompani është lidhur edhe një para-kontratë për blerje të banesës me vlerë 103,000.00€ me 19 tetor 2020, në mes të kësaj kompanie dhe mua personalisht, nga të cilat janë paguar 20,000.00€ janë paguar (pas mjeteve të marra të kompensimit për ish të burgosurit politikë) dhe 83,000.00€ kanë mbetë të papaguara me afat deri në dhjetor 2023, me mundësinë e ndryshimit të kontratës në rast të mosarritjes së realizimit të pagesës”, thuhet në sqarimet që ministri Librun Aliu ka thënë në deklarimin e pasurisë.

Në emër të bashkëshortes, Aliu ka deklaruar edhe një banesë tjetër së bashku me garazh 90 metra katror vlera e së cilës është përshkruar 85 mijë euro.

Aliu ka deklaruar edhe tokë vlera e të cilës është përshkruar 15 mijë euro.

Gjatë këtij viti, Ministri Aliu ka blerë edhe një veturë të tipit BMW, vlera e të cilës është 6 mijë e 500 euro. Të njëjtën ai ka thënë se ka blerë me kredi. Ndërsa, në deklarimin e vitit të kaluar, ai posedonte një veturë të tipit golf 4.

Aliu si para të gatshme në bankë i ka 1 mijë e 915 euro, ndërsa bashkëshortja e tij ka deklaruar para të gatshme në bankë 6 mijë e 150 euro.

Të hyrat vjetore të ministrit sipas deklarimit janë 22 mijë 639 euro, por gjatë kohës sa Aliu mbante pozitën e deputetit të Kuvendit të Kosovës. 1 mijë e 128 euro nga Kolegji “UBT” ku Liburn Aliu është i angazhuar si ligjërues ndërsa ai ka përshkruar edhe kompensimin për ish të burgosurit politikë në vlerë prej 25 mijë e 350 euro.