37 deputetë të VV-së kanë vetura në vlerë 685 mijë euro: Më e shtrenjta një Audi A8L me 50 mijë euro

Periskopi shqyrtoi vlerën e përgjithshme të veturave të deputetëve të partisë në pushtet, Vetëvendosjes, dhe e cila doli se ishte e konsiderueshme.

Partia politike e udhëhequr nga Albin Kurti – kryeministër – ka avokuar vazhdimisht kundër pabarazisë dhe në mbrojtje të qytetarëve të varfër duke denoncuar pasanikët e vendit. Por ja që, në bazë të standardit të vendit tonë, edhe shumica prej tyre dolën të ishin pasanikë.

37 deputetë të Vetëvendosjes kanë vetura në vlerë prej 685 mijë e 500 eurove në total. Nëntë deputetë të tjerë nuk kanë deklaruar asnjë veturë. Ndërsa deputetët e tjerë nuk ka qenë e mundur të shqyrtohen nga Periskopi.

Deputeti me veturën më të shtrenjtë është Gramos Agusholli. Vetura e tij vlen 50 mijë euro dhe është Audi A8L

Deputeti Mirsad Shkreta është në vend të dytë, me njërën veturë që i vlen 25 mijë euro por firmën e të cilës nuk e ka treguar.

Deputetja Vasfije Blair e ka deklaruar një veturë të bashkëshortit në vlerë prej 23 mijë eurosh, dhe një tjetër në pronësi të përbashkët në vlerë prej 16 mijë eurove.

Është deputetja që kaloi nga PDK në VV që ka deklaruar 5 vetura, disa në emër të biznesit, që vlejnë gjithsej 166 mijë euro.

Haki Abazi ka deklaruar po ashtu tri vetura të markës Audi. Më të shtrenjtën e vozit vetë, dhe e cila vlen 20 mijë euro dhe është Audi A8.

Veturë 20 mijë euro ka edhe Haxhi Avdyli.

Rasti më i çuditshëm është ai i Vendenis Lahut, i cili ka deklaruar një veturë por çmimin e të cilit e ka vendosur 0 euro e 00 cent. /Periskopi

Deputetët e shqyrtuar në AKK:

Adelina Grainca –  166 mijë euro, 5 vetura

Adnan Rrustemi – 7 mijë euro, 1 veturë

Adriana Matoshi – 3 mijë euro, 1 veturë

Agon Batusha – 17 mijë e 500 euro, 2 vetura

Alban Bajrami – 15 mijë euro, 1 veturë

Alban Hyseni – 10 mijë e 700 euro, 2 vetura

Arbër Rexhaj – 0 euro, 0 vetura

Arbëreshë Kryeziu-Hyseni – 11 mijë euro, 1 veturë

Ardian Gola – 6450 euro, 1 veturë

Artan Abrashi – 0 euro, 0 vetura

Avni Dehari – 5 mijë euro, 1 veturë

Besim Muzaqi – 8 mijë euro, 1 veturë

Eman Rrahmani – 0 euro, 0 veturë

Enver Dugolli – 11 mijë euro, 2 vetura

Enver Haliti – 21 mijë euro, 3 vetura

Gazmend Gjyshinca – 0 euro, 0 vetura

Glauk Konjufca – 0 euro, 0 vetura

Gramos Agusholli – 56 mijë euro, 2 vetura [Veturë Audi A8L, 50 mijë euro]

Doarsa Kica-Xhelili – 10 mijë e 500, 1 veturë

Dimal Basha – 7 mijë euro, 1 veturë

Drita Millaku – 0 euro, 0 vetura

Driton Hyseni – 10 mijë euro, 2 vetura

Fatmir Humolli – 12 mijë euro, 1 veturë

Fatmire Kollçaku – 7 mijë euro, 1 veturë

Fitim Haziri – 10 mijë e 500, 2 vetura

Fitim Uka –9 mijë euro, 1 VETURË

Fitore Pacolli – 8 mijë e 500 euro, veturë audi

Fjolla Ujkani – 41 mijë euro, dy vetura [prindit]

Mefail Bajqinovci – 14 mijë euro, një veturë

Mimoza Kusari Lila – 9 mijë euro, GLK Mercedes [bsh]

Mirsad Shkreta – 28 mijë euro dy vetura [25 mijë njëra]

Haki Abazi – 29 mijë, tri vetura [njëra 20 mijë]

Haxhi Avdyli – 36 mijë euro, dy vetura [20 mijë njëra]

Jahja Kokaj – 6700 euro, dy vetura

Jeta Statovci – 9 mijë e 900 euro, një veturë

Jetmire Vrenezi – 7 mijë euro, veturë

Tinka Kurti – 4 mijë e 600 euro, një veturë

Labinotë Demi – Murtezi – 9500 euro, tri vetura

Luan Aliu – 12 mijë euro, një veturë

Valon Ramadani – 20 mijë e 500 euro, dy vetura [15 mijë njëra]

Vasfije Blair  – 39 mijë euro, dy vetura – njëra 23 mijë

Vendenis Lahu – 0.00 një veturë e 2017

Visar Korenica – 4 mijë euro, një veturë

Salih Zyba – 3250m një veturë

Yllza Hoti – 0euro, 0 vetura

Saranda Bogujevci 0 euro, 0 vetura