3 orë më parëVjosa Osmani uron gazetarët për 3 majin: Liria e shtypit, parakusht themelor për demokracinë
Periskopi(5 vite më parë)
(5 vite më parë)Edhe presidentja e vendit, Vjosa Osmani Sadriu, ka uruar gazetarët për 3 majin. Në mesazhin e saj ajo “shpreh konsideratën për mediat profesionale e të guximshme.” Osmani ishte kritikuar për mos-reagimin e saj pas kërkesës së ministrit të Shëndetësisë, Arben Vitia, që të hetoheshin gazetarët e një mediumi për një raportim në lidhje me vaksinat, […]
Në mesazhin e saj ajo “shpreh konsideratën për mediat profesionale e të guximshme.”
Osmani ishte kritikuar për mos-reagimin e saj pas kërkesës së ministrit të Shëndetësisë, Arben Vitia, që të hetoheshin gazetarët e një mediumi për një raportim në lidhje me vaksinat, përcjell Periskopi.
Ajo ka theksuar që beson në një shoqëri ku “çdo ditë krijojmë hapësirë për ta dëgjuar mendimin ndryshe dhe ku secili ndihet i lirë ta thotë atë që e mendon.”
Postimi i saj i plotë:
Liria është atribut i gjendjes së natyrshme, siç duhet të jetë edhe Liria e Shtypit.
Në Ditën Botërore të Lirisë së Shtypit, dua ta shprehë konsideratën time për mediat profesionale e të guximshme. Dua t’i inkurajoj ta vazhdojnë përpjekjen e tyre për raportim të drejtë e të paanshëm, ngase liria e shtypit është parakusht themelor për funksionimin demokratik të shoqërisë. Të një shoqërie ku çdo ditë krijojmë hapësirë për ta dëgjuar mendimin ndryshe dhe ku secili ndihet i lirë ta thotë atë që e mendon.
Media/gazetarë të nderuar, urime dita juaj! Hulumtoni, siguroni prova, nxirrni konkluzione në bazë të tyre. E vërteta duhet të jetë kauzë e përhershme e të gjithëve.
