Shpërthen në lot babai i Agon Musliut: Tentuan me ma mbyllë gojën por e kam veç një pyetje

Naim Musliu, babai i të riut Agon Musliu që vdiq teksa ishte në karantinë në Qendrën Studentore, ka shpërthyer në lot gjatë emisionit në kanal10, përcjell Periskopi.

Ai thotë se kërkon drejtësi për djalin e tij.

“Djali jem më përket mua si prind dhë nënës së tij, familjes Kosovës, nuk po kërkojmë diçka tjetër përveç se drejtësi. Kush e devijoi djalin tem prej aeroportit të shkojë. Nuk ishte Agoni për karantinë, dikush me dashje, me qëllime të këqija e drejtuan djalin tim drejt vdekjes”, ka thënë Musliu.

Ai ka akuzuar politikanët (që nuk i përmend me emër) se kanë tentuar t’ia mbyllin gojën.

“Kanë tentu me ma mbyllë gojën, tash sa ka ndiku që të mos kem një përkrahje, unë kam pasë përkrahje, me përkrahjen e studentëve është bërë pllakata”, ka thënë Musliu, përcjell Periskopi.

“Boll kam pritë se mos po zbardhet ky rast por sic po e shoh nuk do të ketë drejtësi për djalin tem në këtë vend. Derisa ta kam frymën e fundit do të jap maksimumin për zbardhjen e drejtësisë për djalin tem”, ka thënë ai.

“Të zbardhet gjithçka që ndodhi prej aeroportit deri në fund të jetës së djalit tem”, tha ai. /PERISKOPI/