8 minuta më parëShahini: Kurti e Osmani kur shkuan në Shqipëri duhej të ndaleshin te shihnin si menaxhohet vaksinimi
Periskopi(5 vite më parë)
(5 vite më parë)Besa Shahini, ish ministre në Qeverinë Rama II, ka bërë reagimin e saj pas pamjeve të shëmtuara në Sallën “1 tetori” në Prishtinë ku dukeshin shumë pensionistë në një gjendje tollovie dhe ku rrezikohej shëndeti i tyre. Shahini ka thënë se kryeministri dhe presidentja në vizitat e tyre për fushatë respektivisht pushime në Shqipëri është […]
Shahini ka thënë se kryeministri dhe presidentja në vizitat e tyre për fushatë respektivisht pushime në Shqipëri është dashur të ndaleshin edhe në “qendrat e vaksinimit” për të parë rendin dhe rregullin.
“Besoj se do të kishin mësuar diçka nga menaxhimi i procesit të vaksinimit dhe do të kishin kursyer qytetarët e moshuar të Kosovës nga trajtimi i padinjitetshëm dhe tmerrësisht i rrezikshëm për shëndetin e tyre, që pamë të mërkurën dhe sot te qendra e vaksinimit në Prishtinë.” – argumenton Shahini, përcjell Periskopi.
Ajo ka ndarë edhe një fotografi nga qendra e vaksinimit në qytetin e Durrësit, që duket shumë larg asaj të Prishtinës ku mbizotëronte kaosi.
Statusi i plotë:
Kur Kryeministri i Kosovës me ekip dhe makina zyrtare shkoi në Tiranë për të bërë opozitë, apo Presidentja e Kosovës shkoi për të pushuar në bregdet, do të kishin bërë mirë të kishin ndaluar shkurtimisht edhe në qendrat e vaksinimit. Besoj se do të kishin mësuar diçka nga menaxhimi i procesit të vaksinimit dhe do të kishin kursyer qytetarët e moshuar të Kosovës nga trajtimi i padinjitetshëm dhe tmerrësisht i rrezikshëm për shëndetin e tyre, që pamë të mërkurën dhe sot te qendra e vaksinimit në Prishtinë.
Fotoja këtu është nga qendra e vaksinimit në Durrës. Njësoj duken edhe qendrat e qyteteve të tjera, duke përfshirë Tiranën që ka më së shumti frekuentim.
