3 orë më parëRivizatohet kufiri mes Belgjikës e Francës: Bujku heq gurin e kufirit se i pengonte traktorit të tij
Periskopi(5 vite më parë)
(5 vite më parë)Një bujk nga Belgjika i ka bërë të gjithë të çuditen pasi pa dashje ka rivizatuar kufirin e vendit të tij me Francën. Një entuziast i historive lokale po ecte në pyll kur vërejti që guri që shënjonte kufirin mes Belgjikës dhe Francës kishte lëvizur për 2,29 metra. Një bujk belg, pasi ishte bezdisur nga […]
Një entuziast i historive lokale po ecte në pyll kur vërejti që guri që shënjonte kufirin mes Belgjikës dhe Francës kishte lëvizur për 2,29 metra.
Një bujk belg, pasi ishte bezdisur nga guri që i pengonte rrugën traktorit të tij, e ka zhvendosur atë brenda territorit të Francës, shkruan BBC, përcjell Periskopi.
Në vend se të shkaktonte zhurmë të madhe ndërkombëtare, incidenti ka kaluar me qeshje nga të dyja anët e kufirit.
“Ai e bëri Belgjikën më të madhe, e Francën më të vogël, nuk duket ide e keqe,” tha David Lavaux, kryetari i fshatit belg të Erquelinnes.
Kufiri mes Francës dhe Belgjikës është i gjatë 620 kilometra dhe është përcaktuar nën Traktatin e Kortrijkut.
Së fundi, një “Non-Paper” që u raportua se ishte përgatitur nga Sllovenia shkaktoi zhurmë të madhe në Kosovë pasi e zhdukte shtetin e Kosovës dhe rivizatonte kufijtë e shteteve të Ballkanit Perëndimor. /Periskopi
