7 orë më parëRamiz Lladrovci pas përplasjeve në Kuvend: Nuk është reaguar me kohë ndaj shpifjeve kundër UÇK-së
Periskopi(5 vite më parë)
(5 vite më parë)Kryetari i Komunës së Drenasit, Ramiz Lladrovci, ka reaguar pas ngjarjeve të sotme në Kuvendin e Kosovës. Ai thotë se mos-reagimi me kohë ndaj çdo shpifjeje kundër UÇK-së, solli edhe degradimin institucional. “Sot, akuzat e fushatave politike u bënë padrejtësisht agjendë kuvendore dhe fjalëve pa argument, me njollosje dhe fyerje të cilat do t’ia kishin […]
“Sot, akuzat e fushatave politike u bënë padrejtësisht agjendë kuvendore dhe fjalëve pa argument, me njollosje dhe fyerje të cilat do t’ia kishin lakmi edhe armiqtë tanë”, shprehet Lladrovci, transmeton Periskopi.
Ai ndër të tjera ka thënë se askush nuk e ka të drejtën që familjen e vet ta vendosë mbi Kosovën dhe interesin nacional.
“Kushdo që ka pësuar nga okupatori serb, nuk e ka të drejtën që familjen e vet ta vendosë mbi Kosovën dhe interesin nacional, e as të bëj gabime në saje të kësaj sakrifice, sepse vet heronjtë dhe dëshmorët e patën më të vlefshme Kosovën dhe kombin se fatin personal apo familjar”, tha Lladrovci.
Lladrovci ka komentuar edhe paraqitjen e ministres së jashtme, Donika Gërvalla në OKB, ku thotë se e ktheu tehun e goditjes nga nuk ishte as prioritet.
“Për fat të keq, bija e atdhetarit dhe ideologut të shquar, kishte një mal me argumente për adresim në OKB, e ktheu tehun e goditjes nga nuk ishte as prioritet, as e drejtë jo vetëm diplomatike, por as politike e humane ndaj qytetarëve të Kosovës”, tha ai.
Këto reagime të politikanëve vijnë nga ndodhitë e sotme në Kuvendin e Kosovës, ku ka pasur tensione të mëdha mes pozitës dhe opozitës./Periskopi
