Personi që kërcënoi Bekim Haxhiun: I kërkoj falje atij dhe familjes së tij

Haxhiu kishte paraqitur rastin edhe në Polici duke e cilësuar si të rëndë.

Por, personi në fjalë me emrin Agim Baftiri i ka dërguar Periskopit një reagim ku kërkon falje te Bekim Haxhiu dhe familja e tij dhe thotë se e çmon për të kaluarën e tij në UÇK, përcjell Periskopi.

“Unë kam drejtuar një koment ndaj Deputetit Bekim Haxhiu-Kamishi, pas së cilit nuk fshihet asnjë kërcënim por vetëm eufori çasti, prandaj do të doja të përcillja një kërkim falje ndaj deputetit dhe familjes së tij. Përndryshe respektoj lart të kaluarën e tij në UÇK, por edhe angazhimin e tij në ditët e fundit për sigurimin e vaksinave ndaj Covid-19.” – shkruan ai.

SQARIM I PLOTË:

Në ditët e sotme në të cilën demokracia lejon lirinë e shprehjes dhe rrjetet sociale mundësojnë hapsira të të shprehurit, sigurisht se ndonjëherë këto momente na zënë  edhe atëherë kur jemi nevrik ose në eufori të çastit.

Po ashtu në raste kur kthejmë kohën nga e kaluara, ne jemi të lidhur fort me figurat kombëtare siç janë Adem Jashari, Jusuf e Bardhosh Gërvalla, Ukshin Hoti etj. Prandaj ndonjëherë sulmet në drejtim të familjarëve të tyre, na humbin arsyen, gjë që mund të reagojmë pa menduar mirë.

Unë kam drejtuar një koment ndaj Deputetit Bekim Haxhiu-Kamishi, pas së cilit nuk fshihet asnjë kërcënim por vetëm eufori çasti, prandaj do të doja të përcillja një kërkim falje ndaj deputetit dhe familjes së tij. Përndryshe respektoj lart të kaluarën e tij në UÇK, por edhe angazhimin e tij në ditët e fundit për sigurimin e vaksinave ndaj Covid-19.

Sinqerisht, Adem Baftiri