6 orë më parëNë mesin e viktimave të shtypjes në Izrael ka edhe amerikanë
Periskopi(5 vite më parë)
(5 vite më parë)Një numër i qytetarëve të ShBA-së janë në mesin e të vdekurve dhe të lënduarve në tollovinë e shkaktuar gjatë një ceremonie fetare në Izrael, tha të shtunën një zëdhënës i ambasadës amerikane në këtë shtet. “Mund të konfirmojmë se disa qytetarë të ShBA-së janë në mesin e viktimave”, tha zëdhënësi i ambasadës, duke iu […]
“Mund të konfirmojmë se disa qytetarë të ShBA-së janë në mesin e viktimave”, tha zëdhënësi i ambasadës, duke iu referuar fatkeqësisë që ndodhi në natën mes së enjtes dhe të premtes, shkruan Reuters.
“Ambasada e ShBA-së është duke punuar me autoritetet lokale për të vërtetuar nëse ka qytetarë tjerë amerikanë të prekur nga ky rast dhe është duke e ofruar tërë përkrahjen e mundshme konsullore për qytetarët e prekur amerikanë dhe për të dashurit e tyre. Për shkak të respektit ndaj familjeve në këtë periudhë të vështirë, ne nuk kemi komente tjera”, shtoi ai.
Të paktën 45 persona u shtypën për vdekje në një festival fetar me plot njerëz e pa distancë në Izrael. Përplasja mes pjesëmarrësve në festival ndodhi, pasi mijëra çifutë u grumbulluan për festivalin vjetor fetar, “Lag B’Omer”, gjatë të cilit bëhen lutje gjatë tërë natës dhe këndohen këngë mistike e vallëzohet.
