2 orë më parëHykmete Bajrami, pas pageses se rrymes per serbet: Duket qe VV jane tjetersu ne teresi
Periskopi(5 vite më parë)
(5 vite më parë)Hykmete Bajrami nga LDK ka kritikuar ashper partine e Albin Kurtit per vendimin e sotem qe t’i ndajne 11 milione euro per rrymen e papaguar te serbeve ne veri te vendit. Bajrami ka thene qe VV duket se eshte “tjetersuar ne teresi”, derisa shpreh qendrimet e meparshme te kesaj partie sa ishte ne opozite, percjell […]
Bajrami ka thene qe VV duket se eshte “tjetersuar ne teresi”, derisa shpreh qendrimet e meparshme te kesaj partie sa ishte ne opozite, percjell Periskopi.
Ajo ka shtuar se nuk po sheh plan per zgjidhjen e ketij problemi nga Qeveria Kurti II.
Bajrami ka premtuar se LDK do te vezhgoje nga afer punen e Vetevendosjes.
Statusi i plote:
Vetëvendosje bashkë me Listën e Vuciqit e me aprovim të z. Kurti japin 11 MILIONË euro (11 000 000 €) për rrymën në veri
Me 61 vota për, deputetët e LVV-së së bashku me ata të Listës “Srpska” kanë miratuar rekomandimet e Komisionit për Ekonomi, Industri, Ndërmarrësi dhe Tregti lidhur me propozimin që Operatori i Sistemit, Transmisionit dhe Tregut të energjisë elektrike të Kosovës (KOSTT) të marrë përgjegjësinë për pagesën e rrymës për katër komunat veriore.
Lëvizja Vetëvendosje, sa ishte parti opozitare, për disa vite rresht e me plot ngulm kishte kundërshtuar një veprim të tillë. Tani që LVV është në pushtet, veprimet kundërshtuese – të opozitës së dikurshme tani me pushtet absolut duket se janë tjetërsuar në tërësi. Sërish, edhe një herë e për të satën herë në këtë fillim, premtimet e kauzat opozitare të tyre dalin të jenë mashtrim.
Pagesa prej 11 milionë eurove do të bëhet nga KOSTT. KOSTT është aset i qytetarëve të Kosovës – buxheti i KOSTT-it është buxheti i shtetit. KOSTT është ndërmarrje publike.
Për më tepër Kuvendi sot ka ndërhy drejtpërdrejt në menaxhimin e KOSTT-it dhe ka shumë gjasa që Qeveria Kurti do të obligohet që përmes rishikimit buxhetor të ia kthejë këto mjete KOSTT-it.
Ky vazhdim pagese tregon poashtu se Qeveria nuk ka plan të qartë për dalje nga kjo situatë. Deklarata e shumicës se Qeveria dorëzohet para ligjshmërisë në veri e frika e kthimit të “policëve në arkivol” është sa skandaloze aq edhe dorëzuese; mbi të gjitha është deklaratë ofenduese për të gjitha forcat në detyrë.
Lidhja Demokratike e Kosovës do të vëzhgojë nga afër zotimet e deputetëve të Vetëvendosjes se brenda gjashtë muajsh Qeveria Kurti do të shtrijë autoritetin dhe kontrollin në katër komunat veriore duke siguruar që qytetarët atje do të paguajnë faturat e tyre të energjisë.
