6 orë më parëHamza: Absurde të ndahen para për veriun e jo për shëndetësi
Periskopi(5 vite më parë)
(5 vite më parë)Nënkryetari i Kuvendit nga PDK-ja, Bedri Hamza, tha se është absurde të përkrahet kërkesa për 11 milionë eurot e ndara për mbulimin nga KOSTT-i të energjisë elektrike për pjesën veriore të Mitrovicës. Tutje, Hamza thotë se prioritet duhet t’u jepet kategorive tjera të shoqërisë. “E para ky vendim është në kundërshtim me Ligjin pasi KOSTT […]
Tutje, Hamza thotë se prioritet duhet t’u jepet kategorive tjera të shoqërisë.
“E para ky vendim është në kundërshtim me Ligjin pasi KOSTT është ndërmarrje publike ku aksionari i ushtron të drejtat e veta përmes Kuvendit të Kosovës”.
“Kjo ndërmarrje e ka Bordin dhe Kuvendi nuk ka të drejtë të ndërhyjë në menaxhimin dhe afarizmin e kësaj ndërmarrje. Ne e kemi një vendim të gjykatave që qytetarët e pjesëve tjera të Kosovës nuk është e drejtë me u ngarku me pjesën e rrymës në Veri”.
“Është absurde të thuhet që në mungesë të mjeteve financiare të zvogëlohen pensione e të mos ndahen për shëndetësi para, por merren vendime që KOSTT të autorizohet për këtë mbulueshmëri”.
“Qeveria mos të fshihet por të marr përgjegjësi, mos të merret me fjalime populiste. Jo Kuvendi të shndërrohet në një institucion që nuk i respekton ligjet. Me paratë e qytetarëve të Kosovës po paguhen shpenzimet në Veri. Vitin e kaluar janë paguar 10 milionë këtë vit 11milionë, nuk është e drejtë të paguhen 21 milionë”.
