Gërvalla Schwarz s’distancohet nga sulmet ndaj krerëve të UÇK-së: Asnjëherë s’do të pushoj

Ajo kishte sulmuar ashpër Thaçin dhe Veselin duke thënë se do të depononte edhe dëshmi në Gjykatën Speciale kundër tyre.

Por, ajo kishte fyer edhe Rexhep Selimin e VV-së, e Ramush Haradinajn e AAK-së, përcjell Periskopi.

Megjithëse Gërvalla Schwarz po sulmohet ashpër, madje edhe mbështetës të VV-së, ajo as nuk është distancuar por as nuk ka kërkuar falje për deklaratat, derisa nuk ka treguar se a ka deponuar dosje në Speciale kundër krerëve të UÇK-së.

“Asnjeherë nuk do të pushoj së kërkuari drejtësi për të gjitha viktimat në Kosovë, pa marrë parasysh përkatësinë politike, gjininë, kombësinë apo funksionin e viktimave dhe autorëve të krimit.” – ka shkruar znj. Gërvalla.

Ajo ka sulmuar edhe kritikët e saj që potencojnë dëmin që i bëhet Kosovës pas deklaratave të saj, duke i bërë përgjegjës për sic thotë “gjendjen e turpshme”.

Statusi i fundit:

Dje, sot por edhe nesër!

Asnjeherë nuk do të pushoj së kërkuari drejtësi për të gjitha viktimat në Kosovë, pa marrë parasysh përkatësinë politike, gjininë, kombësinë apo funksionin e viktimave dhe autorëve të krimit.

Kjo është më e pakta që mund të bëjmë jo vetëm për viktimat, por edhe për gjeneratat që vijnë. Heshtja qyqare nuk e nderon asnjërin prej nesh.

Kuvendi i Republikës së Kosovës e ka thënë qartë fjalën e tij. Si ministre e qeverisë së zgjedhur me votën më të fuqishme qytetare i përulem çdo vendimi të Kuvendit.

Sot po dëgjoj si po bërtasin fort pikërisht ata që me heshtjen dhe me veprat e tyre e sollën Kosovën në këtë gjendje të turpshme. Vetëm me guxim dhe shumë punë do të mund t‘ia kthejmë Kosovës faqen e bardhë, jo me heshtje dhe mashtrim.

Shumë punë na presin, vërtet.