2 orë më parëGërvalla për Daut dhe Ramush Haradinajn: “Vrasës,” “kriminel ordiner”, “pis bre”
Periskopi(5 vite më parë)
(5 vite më parë)Ministrja e Punëve të Jashtme dhe Diasporës, Donika Gërvalla Schwarz ka marrë vëmendjen e opinionit këto ditë pas publikimit të disa deklaratave ku thoshte se do të depononte dosje në Gjykatën Speciale kundër Hashim Thaçit dhe Kadri Veselit. Por, akuzat e saj ndaj krerëve të UÇK-së nuk përfundojnë këtu. Ajo kishte akuzuar VV-në që i […]
Ajo kishte akuzuar VV-në që i kishte dhënë pozitën e shefit të deputetëve [që e mban edhe sot] Rexhep Selimit, e të cilin e quante “figurë të botës së krimit” pa dhënë ndonjë provë në lidhje me çështjen.
Ajo ka pasur përplasje edhe me Daut dhe Ramush Haradinajn. Dautin e quante vrasës, ndërsa Ramush Haradinajn e quante “kriminel ordiner” dhe “pis bre”, përcjell Periskopi.
Ja çka thoshte për Daut Haradinajn, pasi ky i fundit kishte përkujtuar Rexhë Osajn:
“Po Rexhë Osajn, ushtarin e Presidentit Rugova, si e kujton ky vrasës. Edhe atë me shumë dhimbje? Zgjedhjet në Kosovë e marrin kuptimin e plotë vetëm atëherë kur ligji ia ndalon kandidimin gjithkujt që është i dënuar për një vepër të konsiderueshme penale, e aq më tepër dikujt që është i dënuar për vrasje. Gjithçka tjetër është thjesht farsë”
Më tej, kjo ishte deklarata e saj për Ramush Haradinajn:
“Votën time s’e ke marrë kurrë dhe s’e merr sa t’jetë jeta, por ata që ta kanë dhënë, sot e panë se çka i ndodh një vendi e një shoqërie, kur në krye të qeverisë e ka një kriminel ordiner si ti. Pis bre!”
