6 orë më parëAnti-Amerikanizmi: Sondazhi thotë se Amerika shihet më shumë se Rusia e Kina si kërcënim për demokracinë
Periskopi(5 vite më parë)
(5 vite më parë)ShBA-të po përballen me vështirësi në paraqitjen e vetes së tyre si rojën kryesore të demokracisë globale, sipas një sondazhi të ri që tregon se aleati më i madh i Kosovës po shihet në mbarë botën si kërcënim më i madh për demokracinë se sa Rusia apo Kina. Sondazhi ka gjetur se mbështetja e njerëzve […]
Sondazhi ka gjetur se mbështetja e njerëzve për demokracinë mbetet e lartë megjithëse qytetarët në shtetet demokratike e vlerësojnë më lart shtetin e tyre në menaxhimin e pandemisë se sa qytetarët e shteteve më pak demokratike.
Pabarazia po shihet si kërcënimi më i madh për demokracinë globale, por në ShBA po shihen edhe kompanitë gjigante teknologjike, shkruan The Guardian, përkthen Periskopi.
Gjetjet erdhën në një sondazh të porositur nga Donacioni “Aleanca për Demokracinë” me 50 mijë respondentë nga 53 shtete të ndryshme.
Gjetja më tmerruese ishte se gati gjysma [44 për qind] e respodentëve në këto 53 shtete po e shihnin ShBA-në si kërcënim për demokracinë në vendet e tyre, derisa vetëm 38 për qind Kinën dhe vetëm 28 për qind Rusinë.
Që nga viti i kaluar, perceptimi i influencës amerikane si kërcënim për demokracinë në mbarë botën është rritur në masë domethënëse.
Vendet me përshtypjet më të këqija për influencën negative të Amerikës mbeten Rusia dhe Kina.
Ka pasur ndërkohë një rritje të sentimentit anti-amerikan edhe në Kosovë gjatë muajve të fundit. /Periskopi
