4 orë më parëVdes presidenti afrikan që i kundërshtonte vaksinat, dyshohet se vdiq nga Covid-19
Periskopi(5 vite më parë)
(5 vite më parë)Presidenti i Tanzanisë, John Magufuli, një nga mohuesit më të njohur të sëmundjes Covid-19 në Afrikë, ka vdekur pas dy javësh mungese në jetën publike, duke nxitur spekulime se ai mund të ketë qenë i infektuar me SARS-CoV-2. Lajmin për vdekjen e presidentit e bëri të ditur të mërkurën nënpresidentja e Tanzanisë, Samia Suluhu. Sipas […]
Lajmin për vdekjen e presidentit e bëri të ditur të mërkurën nënpresidentja e Tanzanisë, Samia Suluhu. Sipas saj, Magufuli vdiq nga ndërprerja e punës së zemrës. Ai ishte 61 vjeç, shkruan The Guardian.
Magufuli nuk është parë në publik që nga 27 shkurti dhe në internet filluan të përhapeshin thashethemet se ai ka mundësi të jetë i sëmurë me Covid-19. Zyrtarët qeveritarë kanë këmbëngulur se Magufuli ka qenë duke punuar si zakonisht dhe se qytetarët duhet t’i injorojnë thashethemet.
Presidenti tashmë i ndjerë i Tanzanisë vazhdimisht mohonte se Covid-19 është duke u përhapur në vendin e tij dhe pretendonte pa dëshmi se vaksinat kundër kësaj sëmundjeje janë të rrezikshme. Ai sugjeronte që njerëzit të luteshin dhe të thithnin avull për t’u shëruar.
Pavarësisht kërkesave të shumta nga Organizata Botërore e Shëndetësisë, Tanzania nuk ka publikuar statistika të rasteve dhe viktimave të Covid-19. Atje nuk ka program të testimit dhe zyrtarëve shëndetësorë madje u është ndaluar që ta përmendin virusin.
