5 orë më parëTrim Musliu i ndau vetes 300 mijë euro si shef i Marketingut
Periskopi(5 vite më parë)
(5 vite më parë)Sot u arrestua për keqpërdorim të detyrës zyrtare edhe z. Trim Musliu, i cili më herët dyshohej si përfitues i një subvencioni të dhuruar prej vetë atij. Ai ishte regjisor dhe producent filmi derisa ishte punësuar në Telekomin e Kosovës në prillin e vitit 2018, duke u bërë në qershor shef i Marketingut. Dhe, gjatë […]
Ai ishte regjisor dhe producent filmi derisa ishte punësuar në Telekomin e Kosovës në prillin e vitit 2018, duke u bërë në qershor shef i Marketingut.
Dhe, gjatë kohës që ky departament udhëhiqej nga z. Musliu, u dhuruan 300 mijë euro për kompaninë “Morea ShPK”, që është duke realizuar një film pikërisht nga z. Musliu. Ky film thirrej “Mala”.
Pjesa e mëposhtme është e marrë nga portali KOHA:
“Kohavisioni” ka siguruar faturat e pagesës së kësaj shume që Vala ka bërë në llogarinë e “Morea SHPK”, në pronësi të Faton Bajraktarit.
Në qershorin e këtij viti, Telekomi përmes dy faturave në llogarinë e saj derdhi 107 mijë e 85 euro. Në korrik edhe më shumë se 150 mijë euro të tjera derisa fatura e fundit me vlerë prej 42 mijë e 480 euro u pagua në llogarinë e “Moreas” më 4 tetor të këtij viti.
“Kohavisioni” e ka pyetur Telekomin e Kosovës për këto pagesa, por ata kanë zgjedhur të heshtin përballë interesimit të televizionit.
Trim Musliu dhe Faton Bajraktari kanë bashkëpunuar me disa projekte të ndryshme filmike siç është filmi ‘Home Sweet Home”, i cili në vitin 2016 ishte propozimi i Kosovës për “Oscars”.
Ndryshe, filmi “Mala” bazohet në një ngjarje të vërtetë, e ndodhur gjatë luftës së fundit në Kosovë.
Më herët Musliu kishte deklaruar se filmi “Mala”, do të paraqesë dëshmi të gjalla të tmerrit të përjetuar, masakrës, si dhe gjykimin e padrejtë ndaj kosovarëve nga ana e ndërkombëtarëve.
Trim Musliu është kandidat edhe për kryeshef të Telekomit, konkurs i cili është hapur javën e kaluar dhe bazuar në deklarimet e Bordit, ai do të monitorohet nga Ambasada Britanike.
