2 orë më parëSKANDAL: Policisë iu ndalua të kërkonte artefakte të vjedhura në pronat e Mbretëreshës
Periskopi(5 vite më parë)
(5 vite më parë)Policia britanike e kishte pasur të ndaluar që të kërkonte në pronat private të Mbretëreshës për artefakte të vjedhura apo të plaçkitura pasi ministrat i kishin ofruar përjashtim personal nga ligji që mbronte pronën kulturore botërore, ka zbuluar The Guardian. Pallati i Buckingham dhe qeveria po refuzojnë të thonë se u pa e nevojshme që […]
Pallati i Buckingham dhe qeveria po refuzojnë të thonë se u pa e nevojshme që t’i ofrohej Mbretëreshës ai lloj i përjashtimit që ndalon policinë nga kërkimi në Balmoral dhe Sandringham.
Zëdhënësi i Mbretëreshës mohoi çfarëdo sugjerimi se po mbaheshin artefakte të vjedhura apo plaçkitura në pronat private të monarkisë, përkthen në shqip Periskopi.
Departamenti për Digjitalizim, Kulturë, Media dhe Sport, që i dha monarkisë këtë trajtim të veçantë, nuk dha ndonjë koment nëse kjo gjë ishte propozuar nga këshilltarët mbretëror apo ministrat.
Sidoqoftë, dokumentet e siguruara duket se tregojnë që departamenti kishte përdorur gjuhë të mjegullt në një projektligj parlamentar që errësonte qëllimet e këtij përjashtimi nga publiku.
Në muajin shkurt, The Guardian kishte publikuar dokumente të cilat tregonin se si Mbretëresha e kishte përdorur një proces që në mënyrë sekrete të lobonte te ministrat për të ndryshuar një draft legjislacion.
