3 orë më parëSHBA-ja konfirmon sigurinë e AstraZeneca-s
Periskopi(5 vite më parë)
(5 vite më parë)Shtetet e Bashkuara konfirmuan se vaksina AstraZeneca kundër koronavirusit është e sigurt dhe shumë efektive. Mbi 32,000 vullnetarë kanë marrë pjesë në testimin që ka bërë SHBA-ja, shumica e tyre në Amerikë, por edhe në Kili dhe Peru. Rezultatet e publikuara të hënën tregojnë se AstraZeneca është 79 për qind efektive kundër sëmundjes simptomatike nga […]
Mbi 32,000 vullnetarë kanë marrë pjesë në testimin që ka bërë SHBA-ja, shumica e tyre në Amerikë, por edhe në Kili dhe Peru.
Rezultatet e publikuara të hënën tregojnë se AstraZeneca është 79 për qind efektive kundër sëmundjes simptomatike nga koronavirusi dhe 100 për qind efektive në parandalimin e njerëzve nga të sëmurët rëndë.
Rezultatet u publikuan nga kompania britanike/suedeze AstraZeneca, e cila ka zhvilluar vaksinën në bashkëpunim me Universitetin e Oksfordit.
Ato pritet t’i inkurajojnë disa vende të Bashkimit Evropian, të cilat kanë pezulluar përdorimin e AstraZeneca-s, pas disa raporteve se vaksina shkakton mpiksje gjaku.
Pas një rishikimi, Agjencia Evropiane e Barnave ka konfirmuar javën e kaluar se vaksina është e sigurt dhe efektive.
AstraZeneca nuk është autorizuar ende për përdorim në SHBA dhe mund të mos nevojitet.
Në SHBA aktualisht përdoren tri vaksina kundër koronavirusit: Pfizer/BioNTech, Moderna dhe Johnson&Johnson.
