3 orë më parëRrusta: Një vilë për Kryeministrin, ju lutem
Periskopi(5 vite më parë)
(5 vite më parë)Zyrtarja e PSD-së, Teutë Rrusta, përmes një shkrimi në Facebook, ka komentuar zhvendosjen e kryeministrit Kurti në një shtëpi 500 metra katrorë, nga banesa e vogël ku jetonte. Rrusta shkruan: Një vilë për Kryeministrin, ju lutem Ky stili i Kryeministrit Kurti për t’i gëzuar privilegjet dhe luksin, në atë mënyrë që në dokumente të mos […]
Zyrtarja e PSD-së, Teutë Rrusta, përmes një shkrimi në Facebook, ka komentuar zhvendosjen e kryeministrit Kurti në një shtëpi 500 metra katrorë, nga banesa e vogël ku jetonte.
Rrusta shkruan:
Një vilë për Kryeministrin, ju lutem
Ky stili i Kryeministrit Kurti për t’i gëzuar privilegjet dhe luksin, në atë mënyrë që në dokumente të mos figurojë rritja dhe zgjërimi, nuk është diçka e re. Përderisa në socializëm shteti kishte në pronësi shtëpi e hapësira që i jepte në posedim nomenklaturës, lideri suprem gëzonte të mirat, bënte jetë prej luksi, por që nuk ishin në pronësi private. Ai mund të vazhdonte të fliste për barazi dhe nevojën për qëndresë ndaj imperializmit, pa u dukur hipkorit, në një vend ku varfëria dukej shesheve. Pra të mira që nuk ishin në pronësi private ai i shfrytëzonte për qëllime private, duke denoncuar këdo që vepronte njësoj.
Sot, si mundet një lider që flet për vërfërinë e hajninë, të vazhdojë me retorikën e njejtë, por në të njejtën kohë t’i ketë në posedim të mirat materiale, pa i pronësuar. Disi t’i përdorë të mirat pa i vuajtur pasojat. Si t’i kesh të gjitha, por për asgjë të mos japësh llogari, sepse “me letra” je ai që ke qenë. Për më tepër Kurti ishte deklaruar se i duhet veç edhe një dhomë, jo edhe një kat e gjysmë, jo vilë, jo oborr. Apo ndoshta e ka folur aq shumë këtë temë në terma të gabuar, populist, saqë për të mos i ndërruar fjalët, përvidhet përmes kësaj mënyrës së pronësisë pa pronë.
