6 orë më parëRritet presioni nga Abdixhiku? Dha dorëheqje kryetari i degës ku LDK i mori veç 280 vota më pak se VV
Periskopi(5 vite më parë)
(5 vite më parë)Kryetari i LDK-së në degën e Kllokotit, Hasan Rashiti, ka dhënë dorëheqje nga kjo pozitë pas deklaratave të dhëna mbrëmë nga kryetari Lumir Abdixhiku që kërkonte përgjegjësi për dështimin elektoral të partisë në zgjedhjet e 14 shkurtit. Abdixhiku mbrëmë përforcoi kërkesën e tij për hapje të partisë dhe për përgjegjësi nga kryetarët e degëve ku […]
Abdixhiku mbrëmë përforcoi kërkesën e tij për hapje të partisë dhe për përgjegjësi nga kryetarët e degëve ku LDK-ja nuk kishte pasur performancë të mirë.
Kjo e shtyu z.Rashiti që mëngjesin e sotëm të jepte dorëheqje të parevokueshme për t’i lëshuar vend ri-strukturimit të partisë.
Cili ishte rezultati i LDK-së në Kllokot?
Lidhja Demokratike e Kosovës në komunën me shumicë serbe u rendit e treta dhe ia doli që t’i merrte vetëm 98 vota.
Partia më e madhe shqiptare, Vetëvendosje ishte vetëm 293 vota më lart se LDK-ja.
Lista Srpska kishte dalë e para duke i marrë gati 50 për qind të votave, shkruan Periskopi.
Mesazhi për të tjerët?
Dorëheqja e z.Rashiti, ku LDK-ja megjithatë ishte para PDK-së e të tjerave, duket se çon mesazh edhe për kryetarët e tjerë të degëve të partisë më të vjetër parlamentare që u bë me kryetar të ri nga e diela që të ofrojnë dorëheqje.
Nuk dihet nëse dorëheqje të reja do të pasojnë, por ajo që dihet është se trysnia do të jetë gjithnjë në rritje. /Periskopi
