5 orë më parëQytetari thotë se ministri Mehaj nuk ia kishte përkthyer saktë fjalët me KFOR-in norvegjez: Erdhën më kërkuan falje
Periskopi(5 vite më parë)
(5 vite më parë)Izet Grajqevci, një banor nga komuna e Obiliqit pretendon se ministri aktual i Mbrojtjes, Armend Mehaj kishte qenë shkaktar që në vitin 2004 të maltretohej për gati 4 orë teksa po kthehej nga puna për në shtëpi, pas një ndalese që KFOR-i norvegjez ia kishte bërë. E Mehaj në atë kohë mbante pozitën e përkthyesit. […]
Izet Grajqevci, një banor nga komuna e Obiliqit pretendon se ministri aktual i Mbrojtjes, Armend Mehaj kishte qenë shkaktar që në vitin 2004 të maltretohej për gati 4 orë teksa po kthehej nga puna për në shtëpi, pas një ndalese që KFOR-i norvegjez ia kishte bërë. E Mehaj në atë kohë mbante pozitën e përkthyesit.
Grajqevci në një intervistë ekskluzive për Periskopin ka rrëfyer se për këtë maltretim siç e quan ai, KFOR-i kishte shkuar t’u kërkojë falje pas disa ditësh nga ngjarja. E sipas tij, ata i kishin diktuar se krejt ishte keqkuptim për shkak të përkthimit jo të saktë që ishte bërë në atë kohë nga Mehaj.
‘’Pas 3-4 ditëve kur jam ardhë këtu në depo, janë ardh përkthyesit veç ai (Mehaj) nuk u kanë tani më me KFOR-in norvegjez edhe më kanë kërku njëfar forme më kanë kërku falje për gjitha ato që kanë ndodhur, se u kanë keqkuptim dhe përkthyesi s’na ka përkthy qysh e kemi pyet ne, të paktën ashtu kanë thënë ata. Ata kanë thënë se nuk është bërë transmetimi qysh duhet, unë ju kam thënë nuk e di veç qaj maltretim që ka ndodh nuk u kanë i mirë prej anës tuaj… edhe më atë përkthyes (Mehajn) nuk e kam pa më unë’’, deklaron Grajqevci.
