6 orë më parëPremtimi që dha Kurti për ministra pa aktakuza në Qeverinë e tij para dy muajve
Periskopi(5 vite më parë)
(5 vite më parë)Kryeministri i Kosovës, Albin Kurti, gjatë fushatës zgjedhore kishte premtuar se në qeverinë e tij nuk do të ketë ministra me aktakuza. Por tani Kurti në kabinetin e tij ka një ministër me aktakuzë të konfirmuar. “Nuk do të kemi në qeveri ministra me aktakuza edhe pse më vjen keq për zyrtarin që e kam […]
“Nuk do të kemi në qeveri ministra me aktakuza edhe pse më vjen keq për zyrtarin që e kam emëruar drejtor të zyrës për komunitete në ZKM Nenad Rashiq, i cili njëmend ka një aktakuzë. Por mos të harrojmë se prokuroria është pasive aty ku duhet më së shumti e është aktive aty ku s’ka prioritet realisht për drejtësinë”, kishte thënë Kurti në DebatPernime më 4 shkurt 2021.
Ministër i Mjedisit, Planifikimit Hapësinor dhe Infrastrukturës, Liburn Aliu, pas marrjes së detyrës i është konfirmuar aktakuza për keqpërdorim të detyrës zyrtare gjatë kohës sa ishte drejtor i Urbanizmit në Komunën e Prishtinës.
Menjëherë pas lajmit, Aliu deklaroi se nuk ka qenë i informuar për ngritjen e aktakuzës dhe se ishte informuar nga mediat për të, por më një reagim zyrtar Prokuroria Themelore në Prishtinë hodhi poshtë pretendimet e tij, duke thënë tha se Aliu ishte i njoftuar.
Ndërkohë, Kurti sot gjatë ditë nuk komentoi teksa u pyet nga gazetarët nëse do ta shkarkojë nga detyra e ministrit Liburn Aliun.
Nuk dihet nëse Kurti do ta shkarkojë Aliun nga kjo detyrë./Periskopi/
