5 orë më parëPër 14 vjet s’i shkoi asnjëherë, në dy vitet e fundit Kurti ka bërë tri vizita te varri i Rugovës
Periskopi(5 vite më parë)
(5 vite më parë)Që nga vdekja e tij në janarin e ftohtë të vitit 2006 e deri në shkurtin e 2020-s, Albin Kurti nuk kishte qenë asnjëherë në varrin e ish presidentit Ibrahim Rugova. Por, prej shkurtit 2020, akulli u thye dhe Kurti nuk po i ndahet këtij varri. Asnjëherë të vetme Albin Kurti nuk kishte vizituar varrin […]
Asnjëherë të vetme Albin Kurti nuk kishte vizituar varrin e ish presidentit historik të Kosovës, Ibrahim Rugova për katërmbëdhjetë vjet rresht.
Por, për një periudhë të shkurtër dy vjeçare, ai vizitoi varrin e Rugovës plot tri herë.
Një gjë të tillë e bëri edhe sot, më 24 mars, një ditë para se të ri-merrte postin e kryeministrit të vendit, shkruan Periskopi.
Vetëvendosje në fund të viteve 2000, kishte qenë aq e ashpër me LDK-në dhe Rugovën në veçanti sa e kishte quajtur “kolaboracionist” dhe madje akuzonte Hashim Thaçin që i kishte shkuar te varri.
“Ti që thirresh në emër të luftës dhe në emër të atyre që dhanë jetën për çlirim, pranove që në Rambuje të jetë edhe Ibrahim Rugova, njeriu që kurrë nuk e njohu UÇK–në.” – shkruhej në komunikatën e Vetëvendosjes që tashmë është fshirë pas raportimeve të Periskopit, e të cilat më pas i morën edhe mediat e tjera të vendit.
“Në varrimin e Rugovës nuk ishte familja Jashari, nuk ishte Lëvizja VETËVENDOSJE! dhe nuk ishin edhe shumë bashkëluftëtarë e atdhetarë të cilët e dinin dëmin politik që Kosovës i bëri Rugova e rugovizmi. Por ti ishe aty dhe nuk të vinte fare turp sepse tani më nuk dalloheshe nga ai. Jo vetëm që flisje si ai, por tani ishe mësuar që edhe të silleshe si ai. Të ka mbetur vetëm edhe gur të fillosh të shpërndash.” – shkruhej më tej në komunikatën e quajtur “Gjaku i Humbur”
Por, me vizitën e sotme, bëhen plot tri vizita të Kurtit te varri i Rugovës.
Përveç 17 shkurtit 2020, Kurti kishte qenë te varri i ish presidentit edhe gjatë fushatës për zgjedhjet e 14 shkurtit. /Periskopi
