Pas Prishtinës, AAK-ja synon edhe Podujevën dhe tetë komuna tjera? Çfarë po paralajmëron Haradinaj

Kreu i AAK-së, Ramush Haradinaj, ka folur për kandidaturën e papritur të Daut Haradinajt për kryetar të Prishtinës për zgjedhjet lokale që pritet të mbahen së shpejti.

Ai ka thënë se shumë qytetarë dhe biznesmenë të Prishtinës, i kanë kërkuar kandidaturën e Dautit për kryeqytet, transmeton Periskopi.

Megjithatë, Haradinaj ka paralajmëruar fokus të AAK-së edhe në komuna të tjera.

“AAK-ja do të fokusohet edhe në disa komuna të tjera, përfshirë këtu edhe Podujevën, të cilën së shpejti do ta bëjmë publike edhe kandidaturën”, ka thënë Haradinaj në RTV Dukagjini.

Kujtojmë se Daut Haradinaj tashmë ka dhënë dorëheqje nga posti i deputetit, ndërsa Ramush Haradinaj ka thënë se AAK-ja synon të ketë dhjetë komuna në zgjedhjet lokale. /Periskopi