OBSH tregon kur do të dërgohen vaksinat anti-Covid në Kosovë

Është premtuar qe një kohë të gjatë, mirëpo vaksina që lufton koronavirusin ende nuk ka arritur në Kosovë.

Dikur u tha që do të vijë në janar, e më pas në shkurt.

Ndërsa tani që ndodhemi në fund të muajit mars vaksina Aztra Zeneca që pritet të vijë si donacion nga OBSH COVAX ende nuk është askund.

Për këtë vonesë T7 ka kontaktuar me vetë Organizatën Botërore të Shëndetësisë.

Sergy Koryak nga OBSH ka thënë se ka pasur vonesë për shkak të situatës së favorshme epidemiologjike në Kosovë.

E pos kësaj Koryak ka shtuar se vaksinat priten të mbërrijnë në Kosovë brenda tri javëve.

E nga Ministrinë e Shëndetësisë janë shprehur se nuk ka datë të caktuar se kur do të vijë vaksina anti-Covid.

Mirëpo siç shihet, që nga data 18 shkurt është përgatitur plani për shpërndarjen e vaksinës.

Ndërkohë krejt këto Bujar Vitija, njohës i Shëndetësisë i gjen të pa arsyeshme sepse sipas tij Kosova është vendi me gjendjen më të keqe epidemiologjike në rajon.

Ndërkohë më herët u tha nga Ministria e Shëndetësisë se 33 mijë doza të vaksinës Astra Zeneca do të vijnë gjatë muajit mars, ndërsa tani priten që të vijnë vetëm 24 mijë.