Marrje e dhënie ryshfeti: Aktakuzë ndaj 31 personave për dallavere me patentë shoferë

Prokuroria Themelore në Prishtinë, bën të ditur se kanë ngritur aktakuzë ndaj 31 personave të cilët janë të përfshirë në rastin me patentë shofer.

Të dyshuarit janë : N.LL., F.A., F.E., F.F., A.B., L.Sh., A.R., F.L., Sh.Z., E.B., D.ZH., N.B., A.M., L.A., M.M., A.T., P.T., B.J., S.RR., F.F., B.P., N.Th., S.B., E.L., D.I., E.F., M.R., H.H., M.D., L.H. dhe B.J..

Në raportin e Prokurorisë dyshohet se këta persona kanë kryer veprat penale “Keqpërdorimi i pozitës apo autoritetit zyrtar”, “Pranimi i ryshfetit në sektorin privat”, “Moslajmërimi i veprave penale apo kryesve të tyre”, “Rastet e posaçme të falsifikimit të dokumenteve “, “Zbulimi i fshehtësisë zyrtare “, “Dhënia e ryshfetit “, “Dhënia e ndihmës në kryerjen e veprës penale të pranimit së ryshfetit në sektorin privat” dhe “Dhënia e ryshfetit në sektorin privat”.

Lidhur me këtë rast, në Gjykatën Themelore në Prishtinë është deponuar edhe urdhri për shpalljen e shtatë dëshmitarëve bashkëpunues dhe një marrëveshjeje për pranimin e fajësisë.

Po ashtu në këtë aktakuzë, prokurori i rastit ka kërkuar dënimin plotësues- ndalimin e ushtrimit të profesionit për 21 zyrtarë publik të përfshirë në vepra penale nga kapitulli 23 të korrupsionit zyrtar dhe kundër detyrës zyrtare, si dhe është kërkuar anulimi i testit për patentë shofer për 45 kandidatë.

Prokurori i Shtetit, të njëjtën aktakuzë e ka proceduar në gjykatën kompetente për trajtim të mëtejmë.