4 orë më parëLDK i bën kuorumin Vjosa Osmanit për presidente: Por a bëhen 80 deputetë?
Periskopi(5 vite më parë)
(5 vite më parë)Kryetari i LDK-së, Lumir Abdixhiku, ka thënë sot që partia të cilën e udhëheq ka marrë vendim për t’i bërë kuorumin Vjosa Osmanit që të bëhet presidente e vendit megjithëse nuk ka treguar se çfarë garancie ka marrë nga udhëheqësja e “Listës Vjosa” se do të jetë apartiake. VV i kishte fituar 58 deputetë në […]
VV i kishte fituar 58 deputetë në zgjedhjet e 14 shkurtit, por për të zgjedhur presidenten i vyente prania e 80 deputetëve në sallën e Kuvendit.
Partia e Albin Kurtit ka mbështetjen edhe të disa deputetëve të pakicave. Sidoqoftë, kësaj partie i duhej edhe mbështetja e të paktën një partie opozitare [PDK ose LDK].
Tashmë, Vetëvendosje ka marrë pozitën e kryeministrit dhe të kryetarit të Kuvendit, shkruan Periskopi.
Qeveria Kurti II ishte zgjedhur me 67 vota pro, 30 kundër dhe asnjë abstenim.
Nëse Vetëvendosje do t’i ruante këto 67 vota pro, me 15 deputetë sa ka LDK-ja do të siguronte praninë e 82 deputetëve duke kaluar kushtin e kërkuar nga Kushtetuta.
Por, gjërat mund të jenë më komplekse.
Nuk dihet nëse i gjithë grupi parlamentar i LDK-së është pajtuar me vendimin.
Agim Veliu, Avdullah Hoti dhe Driton Selmanaj mund të jenë kyç në mos-sigurimin e pranisë së nevojshme për Osmanin nëse vendosin t’i dalin kundër vendimit të partisë.
