6 orë më parëKush është gazetari i BBC-së që e vuri në vështirësi Vjosa Osmanin?
Periskopi(5 vite më parë)
(5 vite më parë)U.d. presidentja e Kosovës, Vjosa Osmani, ishte në vështirësi të mëdha ditën e djeshme në një intervistë në BBC ku e pati të vështirë që të prezantonte denjësisht Kosovën dhe veten e saj. Por, kush është gazetari i BBC-së që e mori në pyetje? Osmani ishte në emisionin HARDtalk në të cilën nuk ia doli […]
Osmani ishte në emisionin HARDtalk në të cilën nuk ia doli të tregonte se çka e dallonte prej politikanëve të tjerë, pse kosovarët duhej t’i besonin meqë kishte qenë 20 vjet në politikë, qëndrimin për Gjykatën Speciale dhe çështje të tjera.
Në një moment, derisa Osmani po fliste për krimet e kryera nga Serbët në Kosovë për të shmangur përgjigjen për komandantët e UÇK-së që ndodhen në Hakë, gazetari iu drejtua se për këtë çështje do të fliste me përfaqësuesit politikë të Serbisë.
Intervista e plotë e përkthyer nga PERISKOPI.
Po ashtu, ajo e pati shumë të zorshme të arsyetonte qëndrimin e partnerit të saj, Albin Kurtit, për bashkimin kombëtar.
Gazetari i BBC-së që ishte përballë Vjosa Osmanit mban emrin Stephen Sackur. Ai është një 57 vjeçar me përvojë të gjatë në gazetari.
Sackur karrierën në BBC e nisi në vitin 1986, dhe në vitin 1990 kishte qenë një nga korrespondentët e jashtëm të transmetuesit publik britanik, shkruan Periskopi.
Ai kishte raportuar në Revolucionin Kadife në Çekosllovaki më 1989 dhe në ri-bashkimin e Gjermanisë më 1990.
Po ashtu, z.Sackur ka mbuluar medialisht skandalin e Bill Clintonit me Monica Lewinskin.
Në emisionin HARDtalk ai është prej vitit 2005, kur ka zëvendësuar gazetarin veteran Tim Sebastian. Prej atëherë, ai ka intervistuar personalitete mjaft interesante si Hugo Chavez, Shimon Peresin e Izraelit, Mahmoud Abbazin e Palestinës, zv.presidentin amerikan Al Gore, Noam Chomskyn e shumë të tjerë.
