Kryeministrja e Norvegjisë në telashe të mëdha pasi shkeli masat kundër pandemisë

Solbergu e mblodhi familjen në një resort skiimi në Geilo për ditëlindjen e 60 në fund të muajit shkurt, në një shkelje flagrante të masave dhe rekomandimeve kundër pandemisë.

Kryeministrja Solberg kishte kërkuar falje në Facebook.

“Më vjen keq që familja ime dhe unë kemi shkelur masat e koronavirusit, dhe kjo s’duhej të kishte ndodhur. Ne natyrisht se është dashur të ndjekim të gjitha rekomandimet, siç ju kam kërkuar edhe juve ta bëni,” kishte shkruar ajo.

Bashkë me pasojat legale, afera mund të ketë degëzime të caktuara edhe për karrierën e saj politik pasi vendi do të shkojë në zgjedhje në muajin shtator.

Trembëdhjetë anëtarë të familjes së Solbergut kishin ngrënë darkë në një restorant më 25 shkurt – në mungesën e saj, sepse ajo duhej të shkonte në spital shkaku i problemit me njërin sy.

Ajo me të afërmit e saj kishin shkelur një tjetër masë kundër pandemisë menjëherë ditën tjetër pasi i kishin ftuar 14 njerëz, katër më shumë se limiti, që të hanin sushi në banesën e saj. /Periskopi