3 orë më parëJep dorëheqje shefi skandaloz i diplomacisë braziliane që sulmoi ashpër Bidenin
Periskopi(5 vite më parë)
(5 vite më parë)Ministri i jashtëm i presidentit Jair Bolsonaro të Brazilit ka dhënë dorëheqje pas një rebelimi nga diplomatët dhe ligjbërësit që e akuzojnë atë për prishjen e imazhit ndërkombëtar të vendit dhe vënien në rrezik të jetëve të brazilianëve pas vandalizimit të raporteve me Kinën dhe ShBA-në gjatë pandemisë së koronavirusit. Ernesto Araujo, një diplomat karriere […]
Ernesto Araujo, një diplomat karriere 53 vjeçar i famshëm për përplasjen që pati me Xi Jinpingun e Kinës dhe për adhurimin e Donald Trumpit, paraqiti dorëheqjen e tij të hënën, duke i dhënë fund asaj që kritikët e quajtën si kapitulli më katastrofal në historinë e diplomacisë së Brazilit.
“Një gjë është e sigurt, ai ishte ministri i jashtëm më i keq që ka pasur ndonjëherë Brazili,” tha Celso Amorim, që kishte mbajtur postin mes viteve 2003 dhe 2011, shkruan The Guardian, përkthen në shqip Periskopi.
Vetëm pak orë pas dorëheqjes së Araujos, edhe ministri i mbrojtjes Fernando Azevedo e Silva njoftoi se po ashtu po e linte qeverinë, duke shkaktuar tronditje.
Araujo ishte zgjedhur ministër i punëve të jashtme në nëntorin e 2018-s, pas fitores sensacionale të zgjedhjeve nga presidenti Jair Bolsonaro, pavarësisht se kurrë nuk kishte shërbyer si ambasador.
Shefi i diplomacisë Braziliane – që dikur e kishte quajtur Trumpin “shpëtimtar të perëndimit” – vazhdimisht kishte sulmuar liderët e partisë komuniste kineze dhe e kishte quajtur koronavirusin “komunavirus”.
Ai kishte sulmuar edhe presidentin e ri amerikan, Joe Bidenin pas fitores në zgjedhjet e 3 nëntorit. /Periskopi
