7 orë më parëIsh-reporteri i AP-së tregon si imazhet e masakrës së Reçakut u shpërndanë nëpër botë
Periskopi(5 vite më parë)
(5 vite më parë)Ish-reporteri i AP-së, Sylejman Kllokoqi, ka treguar historinë se si i ka incizuar pamjet e Masakrës së Reçakut. Imazhet e para të tij bënë xhiron e botës dhe ndikuan që të ketë një vëmendje më të madhe ndaj masakrave të Serbisë mbi popullatën shqiptare në Kosovë. “Punoja për AP-në. Kjo kishte rëndësi të madhe. Pasi […]
“Punoja për AP-në. Kjo kishte rëndësi të madhe. Pasi AP është agjenci e lajmeve dhe lajmet bëjnë bujë nëpër gjithë botën. P.sh. nëse punon në një kanal sikur ZDF imazhet tuaja bëjnë xhiro vetëm në Gjermani. Jam krenar që dy xhirime të mija kanë ndikuar. Ishte xhirimi i Abrisë i pari. Pas tij më thirrën Sigurimi shtetëror dhe më rrahën. Pastaj më thanë të shkruaj dicka në lidhje me atë. E dija që flitej për Abrinë. Pas asaj rrahje, nuk më mbytën, por më rrahën shumë. U tërheka pak dhe fillova të mos dal në qytet. Sidomos në qendër ishin mediet e tyre propaganduese. Nuk e harroj, ishte një shqiptare që kinse ishte duke shitur ëmbëlsira. Më tha ik se je në rrezik. U largova”, tregoi ai në T7.
Tutje ai tregoi ngjarjen se si ndodhi për të shkuar deri në Recak.
“Një gazetare e një mediumi botëror më thirri dhe më tha se po ndodhë një ngjarje në spital. Kur shkuam aty policia nuk na lejoi të inicizojmë. Ditën tjetër e thirra kolegun tim nga AP. Në ora 06:55 shkuam në Shtime. E pyetëm dikë aty se ku ishte Reçaku. Ai na tregoi dhe tha se policia serbe ishte larguar. Në masakrën e Abrisë ishim futur mes plumbave për xhirim. Por këtu e kishim të lehtë. E xhiruam nja 20 minuta. Nuk isha kameramani i parë. E takova edhe një ishte më i shkathët pasi kishte ardhur shpejtë. I përcolla pamjet dhe pastaj i pa i gjithë bota. Mandej erdhi Uolker dhe kreu punën e tij. Imazhet bënë histori nëpër botë”, shtoi Kllokoqi.
