6 orë më parëHoxhaj përkujton masakrën e Izbicës, kërkon drejtësi për gjenocidin serb në Kosovë
Periskopi(5 vite më parë)
(5 vite më parë)Kryetari i PDK-së, Enver Hoxhaj, ka përkujtuar masakrën e para 22 vitesh në Izbicë të Skenderajt, ku u vranë e masakruan 147 persona, burra, gra, pleq e fëmijë. Hoxhaj ka thënë se për këto akte makabre të pushtetit serb të Millosheviqit, Kosova nuk do të ndalet kurrë së kërkuari drejtësi, derisa edhe përgjegjësi i fundit […]
Kryetari i PDK-së, Enver Hoxhaj, ka përkujtuar masakrën e para 22 vitesh në Izbicë të Skenderajt, ku u vranë e masakruan 147 persona, burra, gra, pleq e fëmijë.
Hoxhaj ka thënë se për këto akte makabre të pushtetit serb të Millosheviqit, Kosova nuk do të ndalet kurrë së kërkuari drejtësi, derisa edhe përgjegjësi i fundit i krimeve të jap llogari për veprimet e tij.
Postimi i plotë:
Duke e ditur që ditëve të tyre në Kosovë po u vinte fundi, forcat paramilitare serbe, të orkestruara dhe të urdhëruara për të realizuar gjenocid nga kokat e një regjimi kriminal si ai i Millosheviçit, me 28 mars 1999 ia mësynë Izbicës së Drenicës, për të plaçkitur, vrarë e deportuar qindra shqiptarë.
Atë ditë, në Izbicë u vranë e masakruan 147 persona, mes tyre burra, gra e pleq dhe u deportuan në Shqipëri mijëra të tjerë. Sot, me bashkëpuntorë e miq, ishim në Izbicë, në tokën e gjakut, për të kujtuar dhe nderuar sakrificën e martirëve tanë. Kosova asnjëherë nuk do të pushoj së kërkuari drejtësi – derisa edhe i fundit prej përgjegjësve të krimeve të kryera nga serbët të japë llogari për veprimet e tyre.
Lavdi e përjetshme!.
