Hoxhaj për Kurtin: Zgjedhjet mbahen në frymën e poezisë, por qeverisja është prozë e rëndë

Kreu i PDK-së, Enver Hoxhaj ka folur para mediave pas mbarimit të seancës konstituive të Kuvendit të Kosovës.

Ndër të tjerash, Hoxhaj ka thënë se PDK-ja nuk do ta votojë Qeverinë e ardhshme por as kandidaten për Presidente nga lista VV-Vjosa, Vjosa Osmanin, shkruan Periskopi.

Ai ka thënë se Kurti nuk duhet të jetë i njëjti si para zgjedhjeve, ashtu edhe pas mbarimit të tyre.

“Nuk duhet Kurti të jetë i njëjti sikur para 14 shkurtit ashtu edhe pas 14 shkurtit, pasi që edhe unë nuk do të isha i njëjti po t’i fitoja zgjedhjet. Zgjedhjet mbahen në frymën e poezisë, por qeverisja është prozë, prozë e rëndë. Proza nënkupton që duhet t’i menaxhon dallimet, diferencat, duhet të gjejë konsensus, duhet ta unifikojë popullin e Kosovës, pasi që Qeveria e përfaqëson popullin e Kosovës dhe kjo nuk është detyrë e opozitës”, ka deklaruar Hoxhaj. /Periskopi