Hoxhaj: Kurtit ia bëra 10 pyetje, e para – a distancohet nga dhuna që e ka ushtruar në Kuvend?

Takim shumë të mirë e ka përshkruar Hoxhaj atë me Kurtin dhe Osmanin, ai ka treguar 10 pika që ia ka prezantuar Kurtit në takim.

“Kemi kërkuar nga zoti Kurti dhe zonja Osmani qartësi në politikën e jashtme, kemi kërkuar një qartësi të plotë, prandaj edhe sjellja jonë në raport me krijimin e institucioneve të reja të vendit, para se ta merr vendimin PDK, para se ta marrim vendimet në organet e partitë, varet prej 10 qëndrimeve që kemi ngritë në takim.Sa herë ka pasë zgjedhje të qeverisë në këto 10 vitet e fundit, e dini që institucionet e Kosovës janë sulmuar dhe është ushtruar dhunë ndaj tyre”, ka thënë Hoxhaj.

Hoxhaj ka përmendur disa nga pyetjet që ia ka adresuar Kurtit:

“Së fundi kur e kemi zgjedhë presidentin është goditë edhe vet ndërtesa e Kuvendit, e kemi pyet zotin Kurtid he e kemi pyet a distancohet nga një dhunë e tillë politike, se nuk ka ndodhë para 4—5vitësh, Së dyti meqë dialogu, është prioritet për institucionet e ardhshme, në të kaluarën zoti Kurti ka thënë se pa kërkuar falje Serbia nuk ulen me Beogradin. Asociacioni, Komunat me shumicë serbe, Demarkimin e kufirit me Malin e Zi, a do ta kthejnë kufirin në Zhleb dhe Çakorr, a e respektojnë marrëveshjen e Uashingtonit në tërësinë e saj dhe cili është qëndrimi për marrëveshjen e mini-Shengenit”, tha ai duke shtuar se e ka pyetur Kurtin edhe për reciprocitet dhe një listë temash se si i shohin këto cështje si opozitë.,

“Kishim një takim shumë të mirë me kryetarin e VVsë, Albin Kurtin dhe me zonjën Osmani nga koalicioni fitues i këtyre zgjedhjeve. Ishte një takim me kërkesën tonë si PDK që procesi i formimit të institucioneve mund të ndodhë vetëm më një dialog të brendshëm mes opozitës dhe fituesve. Qasja jonë ka qenë konstruktive por edhe parimore. Kemi pasë kërkesa dhe çështje të qarta që kemi ngritë në takim më z.Kurti dhe znj.Osmani. Për presidentin, para se të flitet për personin duhet të flitet për parime dhe këto parime mund të përcaktojnë se kush mund të jetë president i ardhshëm i Republikës. Natyrisht se Kosova ka nevojë për unitet. Pas 10 vitesh ky është takimi i parë dhe një komuniikim normal mes qeverisë dhe opozitës dhe kjo ndodhë falë kulturës politike të PDK-së dhe qasjes tonë që përmes dialogut mund të japim kontributin tonë. Dua t’ju kujtoj që për herë të parë që qeveria dhe opozita janë takuar për të biseduar për procesin e formimit të institucioneve, konkretisht presidentit, tek në vitin 2011 në atë kohë kur ne si qeveri e kemi udheheq qeverinë”, tha Hoxhaj./PERISKOPI