4 orë më parëHaziri: LDK do të evitojë çdo lloj pengese në zgjedhjen e presidentit
Periskopi(5 vite më parë)
(5 vite më parë)Nënkryetari i Lidhjes Demokratike të Kosovës (LDK) Lutfi Haziri, pas mbledhjes së sotme të kryesisë së kësaj partie, tha se LDK do të evitojë çdo lloj pengese në zgjedhjen e presidentit të ri të Kosovës. Ai tha se nesër do të takohen me deputetët e LDK-së, për të biseduar mbi rolin e tyre politik në […]
Ai tha se nesër do të takohen me deputetët e LDK-së, për të biseduar mbi rolin e tyre politik në krijimin e institucioneve, ndërsa sa i përket presidentit shtoi se LDK do të evitojë çdo lloj obstruksioni institucional, në mënyrë që të përmbyllet cikli zgjedhor.
“Kryetari i LDK-së dhe lidershipi nesër do të takohen me grupin e deputetëve. Ne do të vazhdojmë debatin me deputetët në mënyrë që pjesëmarrja në seancë dhe përfaqësimi i LDK-së të jetë në frymë kushtetuese duke evituar çdo lloj obstruksioni institucional dhe duke krijuar frymë dhe angazhim politik për një stabilitet në këtë vend. Roli ynë në Kuvend është pjesëmarrja apo mospjesëmarrja, pasi që pjesëmarrja nuk është vetëm e mjaftueshme politikisht, pjesëmarrja në votim dhe zgjedhja e presidentit do të mbyllte ciklin e zgjedhjes së institucionit të presidentit”, tha ai.
Haziri tha se po punojnë që të ndërtojnë kulturë të unitetit politik të brendshëm partiak dhe se nuk do të ketë takime të tjera me kandidaten për presidente Vjosa Osmani.
