6 orë më parëGorani: E mira e Kosovës ishte që Konferenca e Rambujesë ishte e dështuar
Periskopi(5 vite më parë)
(5 vite më parë)Ish-anëtari i palës shqiptare në Konferencën e Rambujes, Dukagjin Gorani, ka treguar disa nga prapa skenat që ndodhën gjatë dialogut në Kështjellën e njohur në Francë. Marrëveshja e Rambujes ishte një marrëveshje e propozuar paqeje nga ana e NATO’s për përfaqësues të ish-Jugosllavisë dhe delegacionit shqiptar të Kosovës. Dështimi i kësaj marrëveshje, mospajtimi i Serbisë […]
Marrëveshja e Rambujes ishte një marrëveshje e propozuar paqeje nga ana e NATO’s për përfaqësues të ish-Jugosllavisë dhe delegacionit shqiptar të Kosovës. Dështimi i kësaj marrëveshje, mospajtimi i Serbisë që të plotësonte ultimatumin, konsiderohet si një ndër faktorët që dërgoi deri te bombardimi i caqeve serbe.
Ndër të tjerash, Gorani ka thënë se e mira e Kosovës ishte që Konferenca e Rambujesë ishte e dështuar, transmeton Periskopi.
Ai ka thënë se ishte SHBA-ja ajo që mundohej të bindte aleatët të cilët ndërhynin me bombardime pasi ata nuk dëshironin që kjo të ndodhte.
Gorani ka deklaruar se ministrat e jashtëm të Italisë e Francës vinin në dhomën e përfaqësuesve të shqiptarëve dhe u thonin se ajo që po kërkonin ata ishte humbje kohe.
“Vështirësia më e madhe e Shteteve të Bashkuara të Amerikës ishte bindja e aleatëve kontinental. Ministri i Jashtëm i Italisë dhe Francës vinin në atë që ne e quanim dhoma shqiptare dhe na thonin se kjo që po e kërkoni ju(bombardimet) janë humbje kohe. Edhe ministri i Jashtëm gjerman thoshte se nuk e qes nënshkrimin për bombardime”, ka thënë ai në Klan Kosova.
