3 orë më parëGashi: Deputetët e LDK-së vendosin përfundimisht nëse e votojnë Vjosa Osmanin për Presidente
Periskopi(5 vite më parë)
(5 vite më parë)Kryesia e Lidhjes Demokratike të Kosovës do ta mbajë sot një mbledhje ku pritet të merret vendim lidhur me çështjen e zgjedhjes së Presidentit, pozitë të cilën e synon Vjosa Osmani, e cila doli nga LDK-ja pasi u shkarkua nga të gjitha pozitat udhëheqëse në parti, për të fituar më pas në zgjedhjet e përgjithshme […]
Shefi i Grupit Parlamentar të LDK-së, Arben Gashi, ka thënë për Express se vendimi përfundimtar për çështjen e Presidentit, por edhe për çështje tjera, do të merret në mbledhjen e deputetëve të kësaj partie. Gashi ka thënë se mbledhja e Grupit Parlamentar të LDK-së s’do të mbahet sot.
“Do të mbahet patjetër mbledhja e Grupit Parlamentar, por në një kohë tjetër. Për çdo vendim në Kuvend mbajmë mbledhje të Grupit Parlamentar dhe merret vendim në Grupin Parlamentar”, tha Gashi.
Përfaqësuesi i qëndrimeve të deputetëve të LDK-së ka thënë se nuk e di se kur saktësisht do të mbahet mbledhja e Grupit Parlamentar për të marrë vendim lidhur me çështjen e zgjedhjes së Presidentit, por ka shtuar se këto mbledhje zakonisht mbahen një ditë para seancës ose në ditën kur mbahet ajo.
“Ne jemi në koordinim të vazhdueshëm me Grupin Parlamentar. Zakonisht ne mblidhemi para seancës një ditë ose në ditën e seancës”, tha Gashi.
Ai nuk ka pranuar të tregojë nëse vetë do ta votojë ose jo Vjosa Osmanin për presidente. Gashi s’ka dashur të tregojë as disponimin e deputetëve të LDK-së për këtë çështje.
Kryetari i LDK-së, Lumir Abdixhiku, pas zgjedhjeve të parakohshme parlamentare është takuar së paku dy herë me Vjosa Osmanin për ta diskutuar mundësinë që deputetët e kësaj partie ta mbështesin atë për t’u zgjedhur presidente.
