Fytyrat e vjetra që mbetën jashtë Këshillit të ri të LDK’së

Ishte nga anëtarët më të zëshëm të Lidhjes Demokratike të Kosovës para zgjedhjeve të 14 shkurtit.

E kjo, duket se i kushtoi Naser Rugovës.

Në Kuvendin e 10 zgjedhor të LDK-së të dielën, ai nuk arriti të bëhej pjesë e 131 anëtarëve të Këshillit të Përgjithshëm.

E fat të ngjashëm me të, kishte edhe Melihate Tërmkolli.

Bile kjo, paknaqësinë e saj, e shprehu edhe përmes vargjeve të Gjergj Fishtës.

Ndërkohë, jashtë kësaj liste, mbeti edhe një figurë tjetër kyce e LDK-së, ish – kryetari i këtij subjekti, Fatmir Sejdiu.

Njejtë ndodhi edhe me Koordinatorin në detyrë për dialog me Serbinë, Skendër Hyseni.

As Adem Salihaj nuk arriti të bëhëj pjesë e këshillit të përgjithshëm të LDK-së.

E këto ndryshime brenda LDK-së, sipas drejtorit të institutit për politika sociale, Musine Kokalari, Visar Ymeri, mund të shihen si pozitive.

Por, Ymeri nuk e përjashton mundësinë, që kjo të jetë pjesë e një luftë të brendshme brenda LDK-së.

Të dielën LDK, përveç këshillit të përgjithshëm, zgjodhi edhe Lumir Abdixhikun si kryetarin e ri të saj.