6 orë më parëZgjedhja e presidentit, Hasani: Pa 80 vota në kuti nuk shkohet në raundin e dytë
Periskopi(5 vite më parë)
(5 vite më parë)Ish-kryetari i Kushtetueses Enver Hasani ka thënë se deputetët e kanë për obligim kushtetues të qëndrojnë në sallë në momentin e votimit të presidentit të Kosovës dhe se ata s’mund të mungojnë përveç me leje të kryetarit të Kuvendit. Ai në Debat Plus të TV Dukagjinit ka thënë se qysh në raundin e parë në […]
Ish-kryetari i Kushtetueses Enver Hasani ka thënë se deputetët e kanë për obligim kushtetues të qëndrojnë në sallë në momentin e votimit të presidentit të Kosovës dhe se ata s’mund të mungojnë përveç me leje të kryetarit të Kuvendit.
Ai në Debat Plus të TV Dukagjinit ka thënë se qysh në raundin e parë në kutinë e votimit duhet të jenë votat e 80 deputetëve.
“Nëse kandidati nuk i merr 80 vota pro, shkohet në raundin e dytë. Por nëse nuk janë 80 vota në kuti (kuorumi i dy të tretave të deputetëve], procesi nuk vazhdon dhe brenda 60 ditëve nëse nuk vjen në rend ditë zgjedhja e presidentit përsëri, shkohet në zgjedhje”, tha Hasani.
Sipas tij, kryetari i ri i Kuvendit me automatizëm e merr postin e presidentit dhe e ushtron atë detyrë për aq ditë sa kanë mbetur.
“Nuk vazhdohet ajo detyrë pasi nuk mund të ketë ushtrues të detyrës së ushtrueses së detyrës”, është shprehur ai.
