4 orë më parë‘Do të ju kalli dhe të ju qoj në hanë krejtve’, paraburgim për personin që kërcënoi Entin Special në Shtime
Periskopi(5 vite më parë)
(5 vite më parë)Gjykata Themelore në Ferizaj ka caktuar masën e paraburgimit për një muaj ndaj të dyshuarit që dëmtoi pronën e Entit Special në Shtime, duke e goditur me veturë portën e këtij Enti. Sipas Prokurorisë nga veprimet e të pandehurit është rrezikuar edhe jeta e rojës, pasi që tashmë i dyshuari e ka kërcënuar atë me […]
Sipas Prokurorisë nga veprimet e të pandehurit është rrezikuar edhe jeta e rojës, pasi që tashmë i dyshuari e ka kërcënuar atë me fjalët “Do të ju kalli dhe të ju qoj në hënë krejtve”.
Njoftimi i plotë i policisë:
Gjykata Themelore në Ferizaj, ka aprovuar kërkesën e Prokurorisë Themelore të Ferizajt, për caktimin e masës së paraburgimit kundër të pandehurit G.K. shtetas i Republikës së Kosovës, për shkak të dyshimit të bazuar se ka kryer veprën penale asgjësimi apo dëmtimi i pasurisë nga neni 321 paragrafi 1 të Kodit Penal të Republikës së Kosovës (KPRK) dhe veprën penale kanosje nga neni 181 paragrafi 2 të KPRK-së.
Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Divizionit Penal – Fitore Daci, ka vërtetuar se ekziston dyshimi i bazuar mirë, se më 18.03.2021, në Shtime pikërisht te Enti Special, me dashje e dëmton pronën e të dëmtuarës Entin Special, në atë mënyrë që fillimisht një zingjir e vendos në portën e këtij enti, pastaj me veturën e tij e godet portën e tillë duke e dëmtuar, ndërsa në kohën datën dhe vendin e njëjët i pandehuri seriozisht e kanos me privim nga jeta të dëmtuarin rojën e Entit Special në Shtime-A.H, me fjalët se ‘’do të ju kalli dhe do të ju qoj në hënë krejtve’’, duke i shkaktuar shqetësim dhe frik të dëmtuarit.
Gjyqtari i procedurës paraprake, kërkesën e prokurorit të shtetit për caktimin e masës së paraburgimit kundër të pandehurit, e ka aprovuar si të bazuar konform dispozitave të KPPRK-së dhe të njëjtit i është caktuar masa e paraburgimit në kohëzgjatje prej një (1) muaj.
Gjykata me rastin e vendosjes pati parasysh faktin dhe pretendimin e të pandehurit dhe mbrojtësit të tij të cilët kontestonin kërkesën e Prokurorisë për caktimin e paraburgimit, duke konsideruar se edhe me masa me të buta do të sigurohej prezenca e të pandehurit në procedurë si dhe do të pamundësonin të njëjtin që të përsërisë veprën penale, por gjykata vlerëson se aplikimi i masave më të buta (arrestit shtëpiak), por edhe i masave tjera, nuk është i mjaftueshëm për të pamundësuar që i pandehuri të mos kryej vepra penale të tilla apo të ngjashme.
Me këtë rast palët njoftohen se ankesa kundër këtij aktvendimi nuk e shtynë ekzekutimin e tij.
