2 orë më parëDalin bisedimet sekrete që mund ta shpëtonin Gaddafin – Franca e Britania ishin kundër
Periskopi(5 vite më parë)
(5 vite më parë)Dy muaj kishin kaluar që prej se libianët dolën në rrugë për të protestuar. Qindra njerëz kishin vdekur derisa forcat qeveritare dhe rebelët e mbështetur nga NATO-ja po luftonin me njëra-tjetrën në konfliktin brutal. Por, në një hotel ishte arritur një marrëveshje sekrete për t’i dhënë fundin luftës. Bisedimet konfidenciale të mundësuara nga norvegjezët – […]
Bisedimet konfidenciale të mundësuara nga norvegjezët – detajet e plota të së cilës janë zbuluar ekskluzivisht nga The Independent, ishin më të afërtat drejt një marrëveshjeje paqësore që kishte bërë bota për luftën civile në Libi.
Dy palët ishin pajtuar që të draftonin një tekst që thoshte se Muammar Gaddafi, që e kishte sunduar Libinë për 42 vjet, do të tërhiqej dhe do të largohej nga politike, por do t’i mbante institucionet e shtetit në vend, përcjell Periskopi.
Në fund, bisedimet kishin kolapsuar dhe rebelët, me ndihmën e Natos, e kishin kapur dhe vrarë Gaddafin. Më shumë se një mijë civilë ishin vrarë gjatë luftës.
Prej atij momenti, Libia ka qenë e mbërthyer në një konflikt të vazhdueshëm duke u bërë edhe baza e dytë më e madhe për Isisin.
Ministri i jashtëm i Norvegjisë, Jonas Store, kishte akuzuar Francën dhe Britaninë që kishin kundërshtuar zgjidhjen paqësore për konfliktin.
David Cameron dhe Nicolas Sarkozy për kohë të gjatë janë akuzuar se kanë kërkuar ndryshim regjimi me çdo kusht, diçka që ata e kanë mohuar. /Periskopi
