8 orë më parëÇka po ndodh tash me anijen Ever Given? Ekspertët nisin inspektimet se a mund të niset për Holandë
Periskopi(5 vite më parë)
(5 vite më parë)Anija e sapo-liruar nga Kanali i Suezit, Ever Given, është duke pritur në një liqen afër Kanalit të Suezit, derisa autoritetet po inspektojnë se a mund të dalë sërish për lundrim. Ever Giveni – një anije me 220 mijë kilogramë – u lirua të hënën pasi ngeci në Kanalin e Suezit për gjashtë ditë, duke […]
Ever Giveni – një anije me 220 mijë kilogramë – u lirua të hënën pasi ngeci në Kanalin e Suezit për gjashtë ditë, duke bllokuar njërën prej rrugëve më të ngarkuara tregtare në botë.
Pas lirimit të saj – falë rimorkiatorëve dhe anijeve me draga që punuan natë e ditë – ajo u dërgua në Liqenin e Madh të Njelmët, një trup uji që ndan kanalin në dy seksione.
Kompania që transporton përmes anijes, Evergreen-i, shkroi një deklaratë të hënën se anija po inspektohej nëse mund të vazhdonte udhëtimin e paraparë për në Roterdam, Holandë.
Kjo anije është e aftë të mbajë 20 mijë kontejnerë dhe ishte e mbushur plotësisht kur ngeci në Kanal.
Sipas gjeneral lejtnant Osama Rabiet, shefit të Autoritetit të Kanalit të Suezit, asnjë prej këtyre kontejnerëve nuk ishte dëmtuar, raporton Reuters, përkthen Periskopi.
Por, nëse Ever Given nuk mund të lundrojë, është e paqartë se çka do të ndodh në vazhdim.
Bartja e ngarkesës së saj do të ishte një proces pune ekstremisht i vështirë.
