5 orë më parëCDU-ja e Merkelit bie keq në sondazhe në ish bastionet e saj
Periskopi(5 vite më parë)
(5 vite më parë)Partia e Angela Merkelit ka rënë në nivele historike në dy ish bastione të saj në zgjedhjet shtetërore, një shenjë kjo që konservatorët gjermanë po e humbin pushtetin derisa vendi bëhet gati për votime kombëtare pas gjashtë muajsh. Kreu në detyrë i së Gjelbrës në Baden-Wurttemberg dhe lideri Social-Demokrat i Rhineland-Palatinate duken mjaft solid për […]
Kreu në detyrë i së Gjelbrës në Baden-Wurttemberg dhe lideri Social-Demokrat i Rhineland-Palatinate duken mjaft solid për të mbajtur pozitat që kanë në dy shtetet jug-perëndimore, pasi sondazhet treguan humbje domethënëse të Unionit Kristian-Demokrat [CDU] të dielën.
Në Baden-Wurttembergun e pasur, CDU-ja kishte qeverisur e pandërprerë deri më 2011, shkruan The Guardian, përcjell Periskopi.
Me zgjedhjet federale që pritet të mbahen më 26 shtator, rezultati i këtyre dy shteteve do t’i jepte një shtytje të madhe sidomos Partisë së Gjelbër, e cila është në vend të dytë prapa CDU-së në sondazhet kombëtare dhe ka arritur të rris mbështetjen në të dyja shtetet e përmendura.
Partia e së djathtës ekstreme Alternativa për Gjermaninë [AfD] nuk mundi të merrte mbështetje edhe pse ishte e vetmja parti kundër karantinave të vendosura shkaku i pandemisë – dhe humbi vota në të dyja shtetet.
Votimet përbëjnë testin e parë për cilësitë e lidershipit të liderit të ri të CDU-së, Armin Laschetit, që ka marrë këtë pozitë qe dy muaj, por që shpreson të garojë si kandidati i partisë për kancelar në muajin shtator. /Periskopi
