Bora s’e lë pranverën të vije në Kosovë: Ulje drastike e temperaturave dhe reshje të dendura javën e ardhshme

Edhe pse po shkojmë drejt pranverës, parashikimet më të fundit po e përforcojnë edhe më tutje goditjen dimërore të fundjavës dhe javës tjetër.

Përpos uljeve drastike të temperaturave priten edhe reshje të dendura bore sidomos në Kosovë, veri të Malit të Zi dhe rajonet kodrinore-malore të Shqipërisë dhe Maqedonisë së Veriut. Borë mund të ketë edhe në disa ultësira të Maqedonisë dhe Shqipërisë, ndërsa për Kosovë as mos të flasim. Në viset bregdetare të Shqipërisë priten shtrëngata të fuqishme shiu me vetëtima dhe bubullimë sidomos në jug dhe jugperëndim të vendit.

Ulja e temperaturave si pasojë e ardhjes së ajrit polar pritet të zgjasë edhe javën e ardhshme dhe besoni apo jo bora pritet të jetë e qëndrueshme disa ditë ndoshta edhe nëpër shumë ultësira të Kosovës./meteoballkan/