Bernie Sanders pas përjashtimit të Trumpit nga Twitter: Dje ishte ai, nesër mund të jetë kushdo

Duke folur në emisionin e Ezra Klein, senatori amerikan nga Vermonti ka thënë se “nuk ndihej rehat me idenë që një grup njerëzish të high-techut të kishin pushtetin mbi censurimin e pikëshikimeve të ndryshme”, dhe bëri thirrje për një qasje më të “balancuar”.

Ish kandidati i Demokratëve për president dhe kritiku i vazhdueshëm i Trumpit ka thënë se nuk kishte zgjidhje konkrete për “mënyrën se si të balancohej censura” me masa që do të luftonin abuzimin dhe urrejtjen online, por argumentoi se “dreqi është qartësisht në detaje” kur vjen puna te këto ndalesa, shkruan RT, përkthen Periskopi.

“Dje ishte Donald Trumpi që u ndalua, dhe nesër, mund të jetë kushdo që ka një pikëpamje shumë të ndryshme… është çështje për të cilën duhet të mendojmë gjatë dhe fort,” tha z.Sanders, duke shtuar, “Si mund t’i ruani të drejtat e Amandamentit të Parë pa e çuar vendin kah mentaliteti i “Rrenës së Madhe” dhe teorive të konspiracionit?”

Komentet vijnë pas raportimeve se Trump do të kthehet në rrjete sociale në “platformën e tij”.

Para se ta përjashtonte Trumpin nga Twitteri, kjo platformë mediale vazhdimisht i kishte vënë një etiketë postimeve të tij. /Periskopi