Abdixhiku mesazh Kurtit: Ne nuk do t’i rrënojmë institucionet

Kryetari i ri i LDK-së, Lumir Abdixhiku, ka bërë homazhe te varri i ish-presidentit Rugova. Ai ka thënë se Rugova është themeltar i shtetit të Kosovës, shkruan Periskopi.

“Po e nisim nga këtu për të nderuar jo vetëm kryetarin e parë të LDK-së, Ibrahim Rugova por edhe themeltarin e Republikës së Kosovës dhe nga këtu dërgojmë mesazhin se idetë e LDK-së, mbesin ide të përhershme që do t’i kultivojmë. E kaluara jonë është e kaluar me të cilën mburremi por ajo sot s’na mjafton, e ardhmja bëhet duke i dhënë përgjigje çështjeve emergjente për Republikën e Kosovës”, ka thënë ai, shkruan Periskopi.

Lidhur me votimin e Presidentit, Abdixhiku tha se do të shohin nëse do të ketë takim të premtën, siç ka kërkuar kjo parti, por ka thënë se LDK nuk do të kontribojë në ‘rrënimin e shtetit të Kosovës”.

“Po presim konfirmimin e takimit të së premtës, ditën e propozuar nga ne, meqë gjatë kësaj jave do të jemi në proces të konstituimit të organeve tona, do të jemi konstruktiv në frymën themeltare të LDK-së, përfshi edhe të presidentit Rugova dhe secilit veprimtar të LDK-së që kontribon në mirëmbajtjen dhe ndërtimin e institucioneve e jo në rrënimin e tyre. Ne do të dërgojmë edhe zyrtarisht një letër të shkruar sic e kemi marrë dhe do të propozojmë takim për të premtën”, tha Abdixhiku./Periskopi/