3 orë më parë8 të vdekur dhe 553 raste të reja me Covid-19 në raportin e pandemisë
Periskopi(5 vite më parë)
(5 vite më parë)Instituti Kombëtar i Shëndetësisë Publike të Kosovës [IKShPK] ka bërë të ditur raportin 24 orësh të koronavirusit pak pasi qeveria mori vendim të vazhdohej me masat kundër pandemisë në fuqi. Shifrat nuk kanë eskaluar sërish, me 553 raste të reja me Covid-19 nga 3649 mostra të marra nga ShSKUK-ja. Tetë persona kanë gjetur vdekjen në […]
Shifrat nuk kanë eskaluar sërish, me 553 raste të reja me Covid-19 nga 3649 mostra të marra nga ShSKUK-ja.
Tetë persona kanë gjetur vdekjen në Kosovë si pasojë e infektimit me virus, prej të cilëve 3 janë nga Vushtrria, një nga Deçani, një nga Ferizaj, një nga Gjakova, një nga Lipjani dhe një tjetër nga Mitrovica, shkruan Periskopi.
Prej tyre, vetëm njëri është në moshë pune.
Numri më i madh i rasteve u regjistrua në Prishtinë.
Raporti i plotë:
534 TË SHËRUAR DHE 553 RASTE ME COVID-19!
Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 3.649 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 553 raste pozitive.
Brenda 24 orëve janë raportuar 8 raste të vdekjes me SARS CoV-2 pozitiv. Rastet e vdekjes janë nga komunat: Vushtrri 3 raste (87, 80, 76 vjeç), Deçan 1 rast (86 vjeç), Ferizaj 1 rast (71 vjeç), Gjakovë 1 rast (71 vjeç), Lipjan 1 rast (67 vjeç), Mitrovicë 1 rast (62 vjeç).
Numri total i rasteve pozitive është 78.380 raste nga 362.186 persona të dyshimtë në virusin SARS-CoV-2 dhe 1.723 raste të vdekjes.
Gjatë 24 orëve të fundit, janë shëruar 534 pacientë derisa numri i përgjithshëm i të shëruarve deri më sot është gjithsej 65.594 raste, kurse numri i rasteve aktive është 11.063.
Rastet pozitive janë nga komunat: Prishtinë 273 raste, Fushë-Kosovë 32 raste, Prizren 32 raste, Lipjan 28 raste, Podujevë 25 raste, Vushtrri 23 raste, Gjilan 20 raste, Mitrovicë 20 raste, Gjakovë 19 raste, Obiliq 19 raste, Klinë 9 raste, Pejë 8 raste, Kamenicë 7 raste, Drenas 5 raste, Malishevë 5 raste, Graçanicë 4 raste, Junik 4 raste, Rahovec 4 raste, Ferizaj 3 raste, Istog 3 raste, Suharekë 3 raste, Deçan 2 raste, Shtime 2 raste dhe me nga një rast komunat Hani i Elezit, Skenderaj dhe Viti 1.
Mbuloni gojën dhe hundën me maskë!
Mbani higjienën!
Respektoni distancën!
